سموتي بالفريز منعش و لديد فهاد الحر

 

السلام عليكم و رحمة الله

نتمنى من الله تكونو جميع فاهسن الاحوال يا ربي امين

هاد الايام دخل الصيف ماشاء الله و الحرارة الله يرحمنا من عندو

عملت هاد السموتي لبناتي لبارح و قلت لازم مانشاركو معاكم

على بركة الله سنحتاج ل

150 غ فريز او فراولة

100 مل كريم سائل او يوغورت كامل الدسم بدون سكر او قشدة طرية

سكر حسب الدوق

مكعبات ثلجية

ڤانيلا

250 مل حليب

نعملو كلشي فالخلاط و نقدموه بالصحة و الراحة

 نتمنى من الله انو يعجبكم و في امان الله

تارت بالتفاح لديدة راقية و سهلة التحضير

السلام عليكم و رحمة الله

تقبل الله منا و منكم صالح الاعمال يا ربي امين

هاد التارت كتجي لديدة صراحة و هي بسيطة و سهلة التحضير

الفرن لازم مايكون سخون من قبل باش يساعد السكر يدوب*

على بركة الله سنحتاج ل

للعجين

210 غ دقيق

35 غ سكر ڭلاصي او اقل*

125 غ زبدة فحرارة المطبخ

25 غ لوز مطحون

فانيلا

بيضة فحرارة المطبخ

للحشو

3 تفاحات مقطعين و عملناهم فقليل من الحامض

150 غ سكر سنيدة

قليل من القرفة

مكسرات للتزيين اختياري

على بركة الله نخلطو جميع المقادير ديال العجين و نخليوهم يتعجنو*

خليتو يرتاح فحرارة المطبخ 30 دقيقة

سخنت الفران على 350 درجة

سرحت العجين ما بين 2 ورقات سلفيريزي و عملتو فقلب المقلة

للاشارة انا هنا عملت مقلة 20 سم

نزلت عليه التفاح

و رشيت عليه السكر و القرفة و دخلتو للفرن

تقريبا ما بين 35 حتى ل 45 دقيقة

هنا تقريبا من بعد 30 دقيقة يلاه بدا السكر كيدوب

ها هي منين وجدات*

خليتها تبرد فحرارة المطبخ تم دخلتها للتلاجة

زينتها بالپيسطاش و الفريز نتمنى من الله انها تعجبكم 

و الله يتقبل منا و منكم صالح الاعمال 

تشيز كيك باردة بدو فرن او جيلاتين

السلام عليكم و رحمة الله

نتمنى من الله تكونو جميع فاحسن الاحوال يا ربي امين

هاد الششيز كيك كتجي زوينة بزآآآآآآف و هي سهلة التحضير و ماكتحتاجش فرن فقط كنعملوها تبرد فالتلاجة

على بركة الله سنحتاج

بودوار او ممكن نطحنو بسكوي عادي مع قليل من الزبدة و سقيه بالقهوة

250 غ فرماج انا عملت فيلادلفيا ممكن تستعملو اي فرماج كيتدهن و كيري احسن من لاڤاش كيري

ڤاني

40 غ سكر

150 غ شكلاط دايب و بارد

120 مل كريم سائل

على بركة الله نوجد القهوة و نعمل فيها البودوار و نستفو فلمقلة

نطرب لفرماج و السكر تقريبا دقيقة

نضيف الشوكولا و الڤاني و نطربو

نطرب الكريم السائل ولكن ماشي يقصاح فقط شوية

ثم نضيفو على خليط الشوكولا

و نخلط

نعمل الخليط على البسكوي و ندكلو للتلاجة 6 ساعات او ليلة كاملة يكون احسن

هنا منين خرجتو من التلاجة و عملت عليه البسكوي و سقيتو بالقهوة و عملت عليه سكر كلاصي مع الشكلات غبرة بدون سكر

ها هي منين وجدات*

نتمنى من الله انها تعجبكم و في امان الله