السلام عليكم و رحمة الله و بركاته
هاد الكيك صراحة مدة طويلة و انا كنفكر باش نعملو لان طعم لبرتقال هنا عطا للشكلاط
و اللوز طعم جميييييييييييييييييييييييييييييييييييييييييييييييييييل جدا و رائع
الكيك ساهل فالخدمة و مافيهش الدقيق فقط اللوز و لكاكاوا غبرة
و قشور البرتقال عطاتو نكة رآآآآآآآآآآآآآآآآائعة بزآآآآآآآآآآف
نتمنى من الله انو يعجبكم
على بركة الله سنحتاج ل
على بركة الله سنحتاج ل
180 غ شكلاط دايب
2 ليمونات ( برتقال )
180 غ زبدة فحرارة المطبخ
4 بيضات فحرارة المطبخ
200 غ لوز مطحون
2 معالق كبار شكلاط غبرة بدون سكر مغربل
شكلاط للتزيين فهاد الرابط
http://ghizlanesweets.blogspot.com/2011/12/blog-post_19.html
عجين اللوز للتزيين بهاد الرابط
http://ghizlanesweets.blogspot.com/2011/01/blog-post_6591.html
نوجدو مقلة بحجم 22 سم
نسخنو الفرن على 350 فهرنهايت 180 مئوية
نطربو الزبدة و السكر لمدة دقيقة تقريبا
نحكو قشرة الليمون مباشرة فوق من الكريما لي طربنا باش نحتفضو بنكهة قوية
نطربو مرة اخرى لمدة 5 دقايق
نضيفو البيض وحدة بوحدة
مع التطراب بعد كل اضافة
نضيفو الشكلاط الدايب
نضيفو الشكلاط غبرة و نخلطو مزيان بالسباتولا
ثم نضيفو اللوز
و نخلطو دائما بالسپاتولا
نعملو الخليط فلمقلة ديالنا نضخلوها للفرن مابين 45 تال 60 دقيقة او على حساب الفرن ديالكم
نخرجوها من الفرن نخليوها تقريبا 20 دقيقة عاد نزولوها من المقلة
تبرد تماما عاد نسخن الشكلاط و نضيفو عليها
عملت وريدات باللوز و عملت عليهم غبرة فضية
http://ghizlanesweets.blogspot.com/2012/08/blog-post_30.html
و زوقت الكيك ديالي
ها هي الكيك منين وجدات نتمني من الله انها تعجبكم
في امان الله
و كل يوم و نحن إلى الله أقرب
السلام عليكم و رحمة الله
اليوم ان شاء الله بغيت نشارككم بهاد الطريقة ديال حلوة ديال كوكو لي بلفعل كتجي
زوينة بزآآآآآآآاف نتمنى من الله انها تعجبكم
اذن على بركة الله نمرو للمقادير
180 غ ابيض بيض (5ابيض بيض اذا كان كبير و 6 اذا كان صغير)
400 غ سكر ضروري هاد الكمية لانجاح الوصفة
270 غ كوكو رقيق
فاني
قشرة حامضة محكوكة
اناناس ، شكلاط ، مربى او حسب الرغبة
نعمل كاسرونة فيها الما يغلي و نعمل فوق منها زلافة مقاومة للحرارة بان ماري
منين يغلي الما نقص من العافية و نعمل البيض السكر و كوكو
نبداو نخلطو على نار مهيلة مابين 25 تال 30 دقيقة
حتي نحصلو على عجين رخو بحال لي فالصورة
نزولوه من على العافية و نضيفو قشور الحامض
نخليوه يبرد تقريبا ساعة او اقل على حساب درجة الحرارة لي عندكم
انا كان عندي الصهد خدا لي تقريبا ساعة و نصف باش يبرد
اذا ما بردش ماغاديش تكور الحلوة
نعملها كويرات و نباعد بيناتهم و نعمل حفيرات فوسطها
نعمرهم على حساب الرغبة
ندخلوهم للفران يكون سخون مسبقا على درجة حرارة عالية 400 فهرنهايت 200
مئوية ما بين 18 تال 20 دقيقة
يتحمرو و يولي لونهم ذهبي و من الداخل كيبقا لونهم ابيض*
منين كيبردو كيكون مقرمشين من برا و رطبين و معلكين من الداخل
كوكو ديالنا وجدات نتمنى من الله انها تعجبكم و اي استفسار انا رهن الاشارة
نتمنى من الله اناه تعجبكم
في أمان الله و كل يوم و نحن إلى الله أقرب
