كلاصاج بالشكلاط مرة تانية

بانسبة لكلاصاج ان شاء الله غادي نحتاجو ل
65 مل كريم سائل
65 مل ماء بارد
14 غ جيلاتين او 7 غ
140 غ سكر
65 مل ماء
2 م ك كورن سيراب او كليكوز
80 غ شكلاط غبرة بدون سكر


اولا كناخدي 65 مل دالماء و نعملها فكاسرونة او زلافة و نعمل عليها الجيلاتن

ناخد السكر و الماء المتبقي و نعملهم فمقلة او كاسرونة يعليو على نار مهيلة

غير يدوب السكر نطفيو البوطا
نضيفو الكورن سيروب او الكليكوز

و مباشرة من بعد منو نضيفو الشكلاط غبرة
و نحركو مزيان حتى يتخلط
نضيف الكريم
و دائما نحرك مزيان حتي تمتزج العناصر


نشعل البوطا و على نار مهيلة نبدا نحرك الشكلاط نخليوه على العافية لمدة 10 الدقايق تقريبا ولكن عافية مهيلة
نطفي البوطا و نضيف الجيلاتين و دائما و انا كنحرك
كنخليه حتى كيبرد عاد نعملو على الكيك