الأربعاء، 21 ديسمبر 2011

كيك بموس شوكولا و طريقة تزيينو

السلام عليكم و رحمة الله





هادي كيك كنت عملتها بلا موس شوكولا و طبقة ديال الجنواز و طبقة ديال الفيوتين مع عجين البندق
و هي كيك لديدة بزاف نتمنى من الله انها تعجبكم و اي استفسار انا رهن الاشارة
نخليكم مع الطريقة و المقادير






اذن على بركة الله غادي نحتاجو ل
كيك جنواز
http://ghizlanesweets.blogspot.com/2011/01/blog-post_16.html
125 غ لاباط دو نوازيت
140 غ شكلاط
180 غ زبدة الكاوكاو
250 مل كريم فريش مطرب
100 غ بايتي فيوتين
بافروا د الشكلاط
1/2 ليتر حليب
140 غ شكلاط
3 اصفر البيض
1/2 ليتر كريم فريش

7 غ جيلاتين فشوية دالما بارد

للتزيين
ناباج
شكلاط ابيض و اسود
طبقة الشكلاط نفسها لي عملت فالطارطوليت ها هو الرابط
http://ghizlanesweets.blogspot.com/2011/01/blog-post_16.html
اولا باش نحضر لاباط دو نوازيت ديالي كناخد 100 غ نوازيت او بندق
و نحمرو مزيان فالفران ثم كنخليه حتى يبرد و نقشرو ونضيف عليه 100 غ سكر كلاصي و نخليهم كيتطحنو



حتى كيطلق النوازيت اليت ديالو و كيولي مسحوق بحال لي فالصورة






125 غ لاباط دو نوازيت
140 غ شكلاط
180 غ زبدة الكاوكاو
250 مل كريم فريش مطرب
100 غ بايتي فيوتين



7 غ جيلاتين فشوية دالما بارد




اذن على بركة الله نطرب البيض مع السكر

حتى يتضاعف الحجم 3 دالمرات




ثم كنضيف الطحين المغربل بشوية بشوية



ثم كنديرها فامقلة و ندخلها للفرن تقريبا 12 دقيقة
نمرو الان لتحضير الفيوتين

اذن كندوبو الشكلاط
و نضيفوعليه زبدة الكاوكاو و نخلطومزيان ونضيفو لاباط دو نوازيت
و عاد نضيفو البايتي فيوتين ديالنا

و نخلطو مزيان و نخليوها تبرد


و نضيفو الكريم فريش ديالنا و نخلطو مزيان

نحطو قطعة من الجنواز ونسقيوها
ثم نديرو الخليط ديالنا و نسرحوه مزيان و ندخلوه يبرد




ثم نمرو لتحضير البافروا




نطربو اصفر البيض مع للسكر واحد الشوية حتى يتخلط


ثم نضيفوالحليب و نديرو الكل فكاسرونة يغلي و حنا كنخلطو يبقا على نار متوسطة تقريبا 10 دقايق و نزولوها من العافية

نعملو الشكلاط فوعاء مقاوم للحرارة

و نصفيو االخليط دالبيض و احليب

ونخلطو مزيان و نضيفو الجيلاتين
ثم نخليوها على جنب تبرد




نطربوالكريم فريش ديالنا


و نضيفوه على البافروا منين تبرد
نخلط مزيان

كندير الخليط فوق من الخليط ديال البايتي فيوتين


و نقادوها مزيان و ندخلوها تبرد ليلة كاملة

بعد مرور 24 ساعة

اولا خديت الشكلاط ابيض و اسود ودوبتو

ثم حطيت الشكلاط فقطعة من البلاستيك الخاص بالشكلاط كيتباع عند المحلات الخاصة بالحلوى و سرحتو



ثم بهاد المسطرة المسننة دوزت فوق منو بحال هاكا


ثم لويت البلاستيك و وقفتو بحال هاكا


نفس العملية مع الشكلاط الابيض





خديت هاد القوالب ديال البلاستيك و درت فيهم هاد الخطوط العشوائية و خليتها تبرد











اذن خرجت الحلوى من الثلاجة و درت عليها الطبقة دالشكلاط
و دخلتها للثلاجة و خليتها تبرد



ثم خديت 2 م ك ناباج و سخنتو و درتو فوق من الحلوى
زولتها من القالب










و قطعت قطعة ديال ورق السلفيريزي على قد الدورة دالكيك


و درت اطار دالشكلاط هو الاول ثم درت خطوط عشوائية بحال هاكا

لويتو على الكيك و دخلتو للثلاجة



خرجت الكيك زولت ليها الورق السلفيريزي
حطيت عليها هاد الاشكال لي صوبت دالشكلاط








ها هي منين وجدات بالصحة و الراحة

هناك تعليق واحد:

  1. راكي لالة مولاتي أو خلاص لله يعطيك صحة طريقة موضحة مزيان
    وراكي تفانانتي.شكرا مرة أخرى.

    ردحذف