الأربعاء، 28 نوفمبر 2012

الذ تشيزكيك بالشكلاط









هاد التشيز كيك بالشكلاط كتجي لديدة بزاف و اذا جربتوها ماغاديش تستغناو عليها ان شاء الله
على بركة الله سنحتاج ل




200 غ بسكوي

80 غ زبدة دايبة

فاني

1 معلقة صغيرة قهوة سريعة الذوبان

600 ع

 جبنة فيلادلفيا او اي فرماج تفضلو

2 بكيات فاني

45 غ دقيق

3 بيضات

250 غ قشطة الطرية م

مكن تعوضوها بياغورت طبيعي كامل الدسم

250 غ شكلاط اسود دايب 64 فلمية كاكاوا


نسخنو الفرن ديالنا على 350 فهرنهايت 180 مئوية


ندوبو الزبدة و نضيفو عليها القهوة سريعة الذوبان و نخلطوها

نطحنو البسكوي و نضيفو عليه الفاني و الزبدة و القهوة
نعملو البسكوي فمقلة 22 سم و ندخلوه لفرن متوسط الحرارة لمدة 8 دقايق


نطربو الفرماج و السكر و الفاني لمدة 3 دقيق

حتى تتجانس جميع العناصر

نضيفو الشكلاط و نطربو على سرعة منخفضة
نضيفو القشدة الطرية او الياغورت
نخلطو
نضيفو البيض وحدة بوحدة مع التطراب
نضيفو الدقيق

نعملو الخليط ديالنا فمقلة و ندخلوه للفران مابين 45 تال 60 دقيقة

حتى نشوفو الوسط مابقاش كيتحرك 


نخرجوها من الفران و نخليوها تبرد 2 ساويع عاد نزولوها من المقلة

ندخلوها للثلاجة على الاقل 6 ساعات او 24 ساعة عاد نقدموها

ها هي منين وجدات نتمنى من الله انها تعجبكم و في امان الله








الجمعة، 23 نوفمبر 2012

مجوهرات بالسكر



نتمنى من الله تكونو جميع فاحسن الاحوال يا ربي امين
ان شاء الله اليوم بغيت نشارككم بهاد الوصفة الرائعة ديال مجوهرات السكر و لي يمكن لينا نزوق بها الكيك الكوكيز الكاب كيك كتعطي واحد اللمسة راقية بزاف نتمنى من الله انها تعجبكم
على بركة الله سنحتاج ل









210 غ سكر
113 غ صغير ڭليكوز او كورن سيراب
1/3 كاس من الما
ملون غدائي

قوالب خاصة بمجوهرات السكر او ممكن تعملوهم على ورق السلفيريزي او ورق الاليمنيوم




نعملو كل السكر الما الكورن سيراب و الملون 
و نعملوهم على نار متوسطة ماشي مجهدة


نستمرو فعملية الغليان حتى توصل درجة الحرارة ل 275 فهرنهايت 135 مئوية

العملية كتاخد تقريبا مابين 20 تال 25 دقيقة





نزولوه من على العافية و بسرعة نعملوه فاناء مقاوم للحرارة باش نحدو من عملية الطياب





نعمل آلشراب السكري فالقوالب و خاصنا نخدمو بسرعة لانو غادي يجمد بسرة و صعب نعاودو ندوبوه


ممكن نعملو حتى على شكل قطرات فورق السلفيريزي










ها هما المجوهرات منين وجدو نتمني من الله انهم يعجبوكم و تقدرو تزوقو بهم الكيك او الكاب كيك او التاج 



نتمنى من الله انهم يعجبوكم و في امان الله
و كل يوم و نحن الى الله اقرب

الأحد، 18 نوفمبر 2012

موس شوكولا بالپرالين



السلام عليكم و رحمة الله و بركاته

الكيك ديال اليوم هي عبارة عن موس بالشكلاط 

كتجي لذيذة بزآآآآاف نخليكم مع المقادير










اذن على بركة الله سنحتاج ل


الجنواز باللوز و الشكلاط
3 بيضات مفصول الصفار عن البياض
40 غ سكر 
30 غ دقيق
50 غ لوز غبرة
15 غ شكلاط غبرة بدون سكر




طبقة الپرالين
100 غ پرالين عهاد الرابط
70 غ شكلاط دايب
60 غ پايتي فيوتين




لا موس شوكولا
200 غ شكلاط اسود
50 غ كريم سائل
4 اوراق جيلاتين او مايعادل 14 غ
3 اصفر بيض
بيضة كاملة
50 غ سكر
2 معالق جبار ماء بارد
350 غ كريم سائل





اذن على بركة الله نمرو لتحضير الكيك
نطربو ابيض البيض مع السكر ( نضيفو السكر بشوية بشوية )


نطربو حتي يصبح عندنا رغوة متماسكة ولكن رطبة ماشي ناشف


نضيفو اصفر البيض و نخلطو بالسپاتولا
و نحاولو ما امكن باش مانهرسوش ابيض البيض


نخلطو الدقيق و اللوز و الشكلاط غبرة
ثم نضيفوهم على البيض


نعملو الخليط ديالنا فالمقلة و نسرحو و ندخلوه للفرن متوسط الحرارة 7 حتى ل 10 دقاي

خرجتو من الفران و خليتو يبرد و نمرو لتحضير الپرالين 

انا منين كتسالى لي الفيوتين او الكريب دنتيل كنستعمل هاد الالنوع ديال الكورني هو قاصح و مقرمش بزآآآآآآآف*

كنهرسو و كنعملو عوضهم كيجي لديد بزآآآآآآف



نخلطو الپرالين و الشكلات الدايب و الفيوتين








نعمل دائرة او مربع اصغر من الاطار لي غادي نحطها فيه و ندخلها مباشرة للكونجيلاتور تقريبا 20 تال 30 دقيقة و نمر 

لتحضير الموس












ندوب الشكلاط و نخيله على جنب

نسخن 50 غ كريم و نعمل فيه الجيلاتين و نحركو حتى يدوب الجيلاتين









نعمل الخليط على الشكلاط و نخلطو مزيان حتى تتجانس جميع العناصر و نخليه على جنب









نعمل الخليط على الشكلاط و نخلطو مزيان حتى تتجانس جميع العناصر و نخليه على جنب



نعملو السكر مع الما يغلي على نار اقل من متوسطة لمدة 7 دقايق*

و فالاتناء لي نعمل السكر يغلي نبدا نطرب البي
ض



نطربو لبيض و لمدة دقيقة تقريبا تم نضيف السيرو الغليان و نرفعو من سرعة الطراب




نستمرو فالتطراب حتى يتضاعف الحجم ديال الكريم*و يبهات لونو و يبرد فنفس الوقت

هاد المرحلة كتسمى لاپاري ابومب او الريبون*

نضيف الخليط على الشكلاط

( خاص الشكلاط و الكريم يكونو فحرارة المطبخ ماشي سخان بزآآآآآآف و ماشي باردين )



نتمرو فالتخلاط حتي تولي عندنا كريما بحال هكا

نخليوها على جنب





نطربو الكريم ديالنا
و نضيفو لكريم الشكلاط
و نخلطو مزيان بالسپاتولا
نغلف الاطار لي غادي نخدم به بالاليمينوم*
نعمل الطبقة ديال الكيك و نسقيها بالقهوة
و نعمل فوق منها طبقة الپرالين


نعمل طبقة كبيرة ديال الموس

و نعمل الكيك مرة اخرى و نسقيها ثم نغطي الكيك كلها بلاموس المتبقية

ندخل القالب للثلاجة على الاقل 6 ساعات


منين نخرجو من الثلاجة نزول القالب و نحاول نقاد *الجنا
ب


نعمل ڭلاصاج دو لوكس عليه و ندخلها تبرد مرة اخرى


الزواق بالشكلاط موجود فهاد الرابط
http://ghizlanesweets.blogspot.com/2012/03/blog-post_15.html












نتمنى من الله انها تعجبكم 
في امان الله
كل يوم و نحن الى الله اقرب