الأربعاء، 28 مارس، 2012

nougatine النوكاتين الطريقة رقم 1 و الساهلة


السلام عليكم و رحمة الله
الوصفة ديال اليوم ان شاء الله هي النوغاتين لي كتدخل فالعديد من الوصفات و كنزوقو بيها العديد من الحلويات
على بركة الله سنحتاج ل






اذن على بركة الله سنحتاج ل
200 غ سكر
20 غ كليكوز تقدرو تستغناو عليه ولكن للمبتدئات ننصحكم به لانو كيساعد باش النوكا نخدمو بيها بسهولة
150 غ لوز افيلي او مهرمش محمر







نعمل كاسرونة او مقلة على نار مهيلة ندير السكر و الكليكوز و نبدا نحرك فالسكر حتى يبدا يتغير اللون و يصبح كرامل
نطفي البوطا لانو غادي يتحرق بسرعة

منين كيصبح فلون الكارامل كنطفي البوطا
و عملت عليه اللوز المحمر و بديت كنخلط











كنحضر 2 ورقات ديال البابي سلفيريزي و ندهنهم بالزيت
و كذلك الدلك ندهنو بالزيت
كنعمل النوكاتين ديالي على السلفريزي و نبد ندلك
الا حسينا بيها كتقصاح ندخلوها لفرن دقيقة او 2 منفورهمش باش ماتحرقش ونعاود ندلك
كنشكل منها اشكال لي بغيت
و ان شاء الله نزل اشكال اخرى قريبا بحول الله
























ها هما الشكال لي وجدت و لي بقا من النوكاتين يمكن ليكم تحتفضو به فعلبة ديال البلاستيك و منين نبغيه مرة اخرى نسخنو فالفران و نعاود نشكلو كيما بغيت
اي استفسار انا رهن الاشارة
في امان الله

سر من اسرار الكيك

 السلام عليكم و رحمة الله


 بالنسبة للكيك اكيد كلنا سواء مبتدئات فالحلويات او خبيرات مرة مرة او ديما كتجينا الكيك جهة طالعة و اخرى نازلة او منفوخة من الوسط و ماكيكونش منظرها زوين الا بغينا نزوقو بيها
المهم بلا تطوال السر كيكمن فواحد الشريط من الاليمينوم و القطن فنفس الوقت
هاد الشريط انا شريتو جاهز بالنسبة للاخوات المقيمات فامريكا او فبعض دول الخليج يمكن ليهم يشريوه جاهز من عند ويلتون
بالنسبة لهاد الشريط كيما قلت كيتكون من الاليمينيوم و القطن و كنعملو فلما بارد قبل منعملو على القالب ديال الكيك و ندخل الكيك للفرن النتيجة ان الكيك كتبقى مقادة و مكتنفخش


 لعمل هاد الشريط فالمنزل كنحتاجو ل







 ورق مطبخ او قطعة ديال القطن كلها تكون قطن

 نقطعو شريط من ورق الاليمينيوم على حسب المول ديلنا و نخليو واحد 4 سنتيم زايدة

 نعمل الورق المطبخي او القطن فالماء البارد و نخليه يشربو مزيان
من بعد نعملو فقلب من شريط الاليمنيوم و نلوية بحيث مايبانش لي الثوب المقطن او ورق المطبخ



 نلويه علي القالب ديال الكيك و نقفل الجناب بفنيتة او ابرة المهم نتاكد راهو ماغديش يتحل
هنا عملت الجنواز و عملت 2 وحدة بشريط لي انا شريت و وحدة بشريط لي عملت فدار
دخلت الكيك للفرن


 هاهي النتيجة منين خرجتها من الفرن

نتمنى من الله ان هاد الطريقة تعجبكم و نتمنى من الله اني نكون توفقت بشرحها و اي استفسار انا فالخدمة
في امان الله