الاثنين، 22 أكتوبر، 2012

شكلاط بلقهوه واللوز



السلام عليكم و رحمة الله
عيدكم مبارك سعيد و الله يتقبل منا و منكم صالح الاعمال يا ربي امين


بالنسبة لهاد الشكلاط المقادير نفسها لي فهاد الرابط 

http://ghizlanesweets.blogspot.com/2012/08/blog-post_25.html

ولكن عوض الپيسطاش عملت اللوز

و ضفت معلقة ديال القهوة سريعة الذوبان مع قليل من الفاني و روح اللوز






عملت اللوز و لكريم و الڭليكوز يسخنو

و ضفت عليهم القهوة مع الفاني و روح اللوز

ثم ضفت الشكلاط الابيض و هو باقي فوق العافية


خليتو تا برد و عاد طحنتو

عملتو فطاسة پلاستيك و خليتو فالثلاجة 24 ساعة


كورتو و غطستو فالشكلاط و زوقتو

نتمنى من الله انهم يعجبوكم و في امان الله

سابلي خفيف بالجوز


السلام عليكم و رحمة الله



اذن على بركة الله سنحتاج ل

260 غ دقيق

باكية خميرة حلوة

100 غ كركاع مطحون

220 غ زبدة فحرارة المطبخ

50 غ سكر كلاصي او اكتر حسب الرغبة

فاني

بيضة

كركاع او لوز مهرمش للتفنيد

مربى حسب الرغبة




نطربو السكر و الزبدة حتي تولي كريما متجانسة و نضيفو البيضة


و نعاود نطربو حتى تخلط البيض

تم نضيفو الكركاع مطحون







و نضيفو الدقيق و الفاني و نخلطو حتى تجمع العجيب و خاصنا ننتبهو العجين خاصو يكون خفيف









نعملو العجين كويرات صغار و نفندوهم فاللوز او الكركاع مهرمش و نحطوهم فاللاطة و نعملو حفيرة صغيرة وسط الحلوة




ندخلو الحلوة لفرن متوسط الحرارة لمدة 15 دقيقة او حتي يبانو لينا راهم بدا لونهم كيتحول لدهبي فاتح


نخليوهم حتى يبردو و حتافضو بيهم فالتلاجة حتى نبغيوهم عاد نعمروهم بالمربى*

كيجيو جفاف بزآآآآآاف و كيتهرسو بسرعة هدا علاش من الافضل نخليوهم حتى نحتاجهم عاد نعمروهم حيت اذا عمرناهم و

خليناهم غادي يشربو المربى*









نتمنى من الله انهم يعجبوكم و في امان الله

الثلاثاء، 9 أكتوبر، 2012

Shortbread بقشور الليمون

السلام عليكم و رحمة الله






هاد الشورت برد لي نزلت اليوم ساهلة فالخدمة و طبعا كتوجد بسرعة و يمكن لينا نشكلو فيها كيما بغينا

اذن على بركة الله سنحتاج ل

120 غ زبدة فحرارة المطبخ

2 معالق كبار سكر او اكتر

 على حسب لي بغيتو

قشرة برتقالة كبيرة محكوكة

150 تال 200 غ دقيق 

شكلاط فرميسل او تزوقوها باش مابغيتو



نخلطو السكر و الزبدة تقريبا دقيقة
نضيفو علهم قشور البرتقال و الفاني و نعاود نخلطو


نضيفو الدقيق و نخلطو و العجينة خاصها تكون مرخوفة

عملتها فبلاستيك غدائي و خليتها فالتلاجة ليلة كاملة

خرجت العجيب من التلاجة خليتو حتى سخن شوية

سخنت الفران




و طلقت العجين و عملت منو هاد الاشكال


منين خرجتهم من الفرن خليتهم بردو دهنت الجناب بمربى و عملت شكالط فرميسل فجناب



نتمنى من الله انهم يعجبوكم



 في امان الله و كل يوم
 و نحن الى الله اقرب

الاثنين، 8 أكتوبر، 2012

فريز بالشكلاط


السلام عليكم و رحمة الله



السلام عليكم و رحمة الله
عملت اليوم فريز فالشكلاط و عملت منو هاد الاشكال
نقدرو نعملو اي فاكة كنفضلوها
اذن على بركة الله سنحتاج ل
فريز ( فراولة )
شكلاط ابيض و اسود و سكلاط بالحليب دايبين
عود اسنان
















غطست فريزة فالشكلات بيض و خليتها نشفت شوية

و من بعد درت عليها خطوط بحال هاد الشكل


غطست فريزة فالشكلات بيض و خليتها نشفت شوية
هنا خديت فريزة و غطست نصها شكلاط ابيض و النصف الآخر اسود





هنا غطسته فشكلاط اسود و عملت عليهم خطوط بيضاء او شكلاط بالحليب 
هنا غطستها بالابيض


ثم غطست الجناب فقط فالشكلات الاسود



عملت نقط بالشكلاط الاسود





ها هما منين وجدو 
نتمنى من الله انهم يعجبوكم و في امان الله




و كل يوم و نحن الى الله اقرب