الجمعة، 25 يناير 2013

تارت بالحامض و اللوز رآآآآآآائعة جدا













السلام عليكم و رحمة الله
نتمنى من الله تكونو جميع فاحسن الاحوال 
وصفة اليوم ان شاء الله هي تارت بالحامض و اللوز كتجي لديدة بزآآآآف و رآآآآآئعة جدا نتمنى من الله انها تعجبكم







على بركة الله سنحتاج
سابلي باللوز
كريم اللوز و قشور الحامض
كريم الحامض
ابيض البيض




سابلي باللوز
150 غ زبدة فحرارة المطبخ
50 غ سكر ڭلاصي
75 غ لوز مطحون ( صلقتو و نشفتو ثم طحنتو )
قشرة حامضة
175 غ دقيق او اكتر على حسب نوع الدقيق المستعمل
بيضة واحدة





كريم اللوز و قشور الحامض
50 غرام زبدة فحرارة المطبخ
50 غرام زبدة
قشرة 2 حامضات
بيضة واحدة




كريم الحامض
240 مل عصير حامض
قشرة 4 حامضات
120 غ سكر ( او 150 غ لمحبي الحلاوة )
اصفر 4 بيضات و نحتفظ بابيض البيض
2 بيضات كاملات
30 غرام مايزينا ( نشا )
50 غ لوز مطحون ( مصلوق و ناشف و مطحون )
150 غ زبدة فحرارة المطبخ








على بركة الله نبداو بالسابلي




نطربو الزبدة و السكر حتى تتجانس لينا العناصر
نضيفو اللوز و قشور الحامض


ضيفو البيض و نطربو مرة اخرى


نضيفو الدقيق بشوية بشوية 
العجينة خاصها تكون مرخوفة






 نلوي العجين فبلاستيك و ندخلو للتلاجة ساعة


نمرو لتحضير كريم اللوز


نسخنو افرن على 180 درجة مئوية 350 فهرنهايت
نطربو الزبدة و السكر حتى تتجانس لينا العناصر
نضيفو قشور الحامض و اللوز
ثم نضيفو البيض و نطربو مزيان





نخرجو العجين من التلاجة و نسرحوه فلمقلة ديلنا من الافضل تعملو طبقة رقيقة انا هنا عملت مقلة 24 سم تبقا لي من العجين







عملت عليها الكريم ديال اللوز و دخلتو لفرن لمدة 30 دقيقة و خاصنا نشوه مرة مرة باش ماتحرقش لينا الكريم 
نمرو لتحضير كريم الحامض
نعملو الحامض يغلي


نطربو اصفر البيض و البيض الكامل مع السكر




نضيفو قشور الحامض و النشا
نخلطو
نضيفو الحامض الغليان
نخلطو مزيان 
نعملو الخليط على نار مهيلة و نستمرو فالتحراك حتى يبدا الخليط يتقال







نزولو من على العافية و نخليه يبرد شوية
 ثم اضيف الزبدة مع التحراك شيئا فشيئا
اضيف اللوز و الفاني
ندخلها للتلاجة تبرد
ندخلها للتلاجة تبرد لمدة 4 ساعات
زولتها من الاطار




عملت الميرنغ الايطالي كما فهاد الرابط و حرقتو بالتورش او ممكن دخلوها للفران لمدة 5 دقايق 
ولكن فهاد الحالة ماتزولوش الاطار




















ها هي منين وجدات 
طعم رآآآآآائع جدا
نتمنى من الله انها تعجبكم و ماتنساونيش من صالح دعائكم و في امان الله





الثلاثاء، 22 يناير 2013

شكلاط بالكرامل و نوتيلا







 السلام عليكم و رحمة الله
نتمنى من الله انكم فاحسن الاحوال يا ربي امين
اليوم ان شاء الله شكلاط بكراميل و نوتيلا اكيد كيعجب الجميع صغار و كبار
نتمنى من الله انو يعجبكم على بركة الله سنحتاج ل








اذن على بركة الله سنحتاج ل

كرامل فهاد الرابط

http://ghizlanesweets.blogspot.com/2012/02/blog-post_23.html


زبدة الفول السوداني ( عجين الكاوكاو )

شكلاط نوتيلا
شكلاط دايب
قوالب خاصة بالشكلاط
قالب شكلاط فهاد الرابط
http://ghizlanesweets.blogspot.com/2012/02/blog-post_24.html











نعمل الشكلاط فالقوالب ديال الپلاستيك و نخليهم ينشفو













نخلطو نوتيلا مع عجين الكاوكاو و نعمرو بيهم اقوالب ديال الشكلات






نعمرو اخرين بالكرامل


ندخلهم للتلاجة حتى يبردو تم نغطيهم كلهم بالشكلاط












ها هما منين وجدو عملتهم فزلافة ديال الشكلاط كنت نزلتها فهاد الرابط





نتمنى من الله انهم يعجبوكم و في امان الله