الثلاثاء، 26 أبريل 2011

بودينغ بارفي ببقايا الكيك و الكريم


اليوم على بركة الله غادي نقدم ليكم بودينغ بارفي بالفراولة وبقايا الكيك




اذن كنتبعو نفس الطريقة ديال البودينغ بارفي لي سبق ونزلت الوصفة ديالو فهاد الرابط
http://ghizlanesweets.blogspot.com/2011/01/blog-post_13.html
و كنحتاجو ايضا ل
بقايا الكيك
كريم شانتي
فريز او اي فاكهة تفضلوها



ناخدو الكوؤس لي غادي نقدمو فيها البودينغ
نعملو قطع الكيك
ثم القليل من البودينغ


ثم الفراولة
ثم الكريم و قطع الكيك مرة اخرى
ثم الفراولة
البودينغ
و الكريم






ها هو البودينغ واجد نتمنى يعجبكم و في امان الله

الاثنين، 25 أبريل 2011

كيك بالفوندون و الورد








اليوم ان شاء الله ساقدم لكم كيك بالفوندون مع طريقة عمل الورد







اذن على بركة الله نحتاج
كيك انا هنا ستعملت لا جنواز la genoise
4 بيضات
120 غ دقيق
120 غ سكر
فاني
بالنسبة للكريم المستعمل وسط الكيك
1 كاس كريم فريش
1/2 كاس زبدة الفول السوداني او peanut butter و اي مكسرات موجود عندكم و تفضلوها
بالنسبة للكريم لي ستعملت فوق الكيك هوالغناش لي ستعملت فكيك بالشكلاط فهاد الرابط
و طبعا سنحتاج للفوندون لتغطية الكيك و عمل الورد
نسخنو الفرن على 180 درجة مئوية 350 فهرنهاينت
نطربو البيض الكامل و السكر والفاني
على سرعة متوسطة لمدة 3 دقايق


نرفعو من السرعة و نستمرو فالتطراب حتى كيصبح اللون اصفر باهت
نضفيو الدقيق على مراحل ومن الافضل اننا نخلطو بالملعقة الخشبية حتى نحافظو على حجم العجين كما هو

نعملو العجين فالمقلة و ندخلوه للفرن
لمدة 20 حتى 25 دقيقة
نخرجو الكيك من الفرن و نخليوها تبرد


قبل مانقسمها قمت بازالة القشرة الاول لي كتكون على الكيك

طربت الكريم فريش

ضفت عليه زبدة الفول لسوداني
خلطتهم مزيان

سقيت الجنواز بالسيرو

عملت عليها الكريم
ثم عملت الغناش



خديت الفوندن طلقتوو حطيتو على الكيك

قديتو على جنبات الكيك

زولت الاشياء الزائدة





بالنسبة لورد
كنعمل شكل بحال اجاصة صغيرة و نعملها فعود اسنان
كنقطع شكل وردة بحال هاكا
ثم بعود اسنان كنعمل شقة صغيرة فجنب

تم بهد الاداة الخاصة كنغط على جنبات الوردة

تم كنضغط على الوردة فوسطها
كتصبح بحال هكدا
كنعمل قليل من الماء فوسطها
و ندخلوالعود ديال السنان لي فيه الاجاصة

ثم نبدو نلصقوا اوراق الوردة بحال هكدا باضافة القليل من الماء على الاطراف

نكملو جميع الاوراق
ثم نمرو للورقة التانية تم التالتة
تم كنخليوهم ينشفو

بالنسبة للاوراق عملتهم بهاد الطابع


ها هي الكيك منين حطيت عليها الورد
بالنسبة للون لي عملت على الفوندون هو خليط مابين اللون البني و الذهبي
نتمنى تعجبكم و في امان الله