السبت، 31 أغسطس 2013

عجين السكر خاص بعمل الورود



السلام عليكم و رحمة الله
نتمنى من الله تكونو جميع فاحسن الاحوال 
هادالوصفة رآآآآائعة جدا لعجين السكر الخاص بالورد ماشي بتغليف الكيك
لعجين كينشف بسرعة و كيقصاح فنفس الوقت اذا خلطناهمع عجين السكرالعادي لي سبق و نزلت طريقتو من قبل
ان شاء الله نزل العديد من الورود ليكنزوقو بيهم الكيك بطرق بسيطة و ان شاء الله تعجبكم
على بركةالله سنحتاج ل

400 غ سكر
60 مل ماء
7 غ جيلاتين
1 معلقة طعام ڭليكوز او كورن سيراپ
ملعقة صغيرة او اكترابيض بيض 


 على بركة الله نعملوالجيلاتين فالما تقريبا 3 دقايق
نعملو الجيلاتين و الڭليكوز يسخنو على نار متوسطة حتى الغليان

 نزيل الخليط من على النار
نغربلو السكر و نضيفوعليه الخليط و نبداو نعجنو 

 ثم نضيفو قطرات البيض حتى يتجمع الخليط

 لخليط كيكون متوسط ماشي قاصح و ماشي رطب

 لخليط كيكون متوسط ماشي قاصح و ماشي رطب



نعملوه كرات صغيرة ونغلفوه بپلاستيك غدائي و نعملوهم فبواطات پلاستيك محكمة الاغلاق وندخلوهم للتلاجةحتى نحتاجهم
ها هما وجدونتمنى من الله اني نكون فدتكم
اي استفسار انا رهن الاشارة
ملاحظة هاد العجين كينشف بسرعة ان شاء الله نزل طريقة باش تعملو به ورود و فنفس الوقت يبقى قاصح و مايتهرسش
في امان الله

طريقة عمل الزبدة


 السلام عليكم و رحمة الله
نتمنى من الله تكونو جميع فاحسن الاحوال ياربي امين
على بركة الله سنحتاج ل 
كمية من الكريم السائل بدون سكر


كنت كنطرب الكريم السائل باش نعملو فواحد الكيك و غفلت عليه قليلا سبحان الله و لقيتو بدا كيتحبب مالايقش اني نعملو فالكيك فقررت اني نكمل التطراب للحصول على زبدة وهاهيالنتيجة زبدة طبيعية وكذلك الحليب




 هنا بدات كتفرق الزبدة على الحليب


ها هما باينين هنا الزبدة و الحليب



لديدة بزآآآآاف وكل ماكان نوع الكريم جيد كل ما كان نوع الزبدة جيد ايضا
نتمنى من الله ان الفكرة تعجبكم و في امان الله

الأربعاء، 28 أغسطس 2013

Tres Leche Cake

 السلام عليكم و رحمة الله
نتمنى من الله تكونو جميع فاحسن الاحوال 
الكيك ديال اليوم هي من اسبانيا و هي كتحضر بثلاث انواع من الحليب
كتجي لذيذة بزززززززاااااااف و مايتشبعشي منها
على بركة الله سنحتاج ل
130 غ دقيق
4 غ خميرة الحلوى
قليل من الملح
5 بيضات مفصول الصفار عن البياض
80 غ سكر
60 مل حليب
فانيلا
قشرة حامضة محكوكة
نغربلوالدقيق و الخميرة و الملح و نخليوهم على جنب


بالنسبة لسقي الكيك
60 مل كريم سائل
240 مل حليب مركز حلو

220 مل حليب مركز بدون سكر

نسخنو الفرن على درجة حرارة متوسطة

على بركة الله نطربو اصفر البيض و نضيفو الفاني حتى يتجانس الخليط
لمدة 4 دقايق
 نضيفو الحليب
للاشارة انا هنا عملت حليب مركز بدون سكر ولكن  الوصفة الاصلية هي بالحليب العادي



نطربو ابيض البيض حتى يعقد قليلا
ثم نضيفو السكر شيئا فشيئا


نضيفو الدقيق مغربل مع الخميرة و الملح على دفعات و نخلطو
نضيفو ابيض البيض و نخلطو و نضيفو قشور الحامض

 نعملو الخليط فمقلة الكيك 22 سم
 ندخلوها للفرن لمدة 40 دقيقة
 خرجتها من الفرن و قلبتها فطبق التقديم بديت كنحضر السيرو لسقي الكيك

 خلطت لحليب مركز حلو مع لمسوس و ضفت لكريم











سقيت الكيك بالسيرو و زوقتها بالكريم شونتي و الفواكه و الشكلاط 


ها هي الكيك منين بردات و قسمتها
نتمنى من الله انها تعجبكم و في امان الله