السبت، 15 يناير، 2011

Mille Feuille بالكريم باتسير و لكريم فريش و البيسطاش و الفواكه




السلام عليكم ورحمة الله وبركاته



هاد الميل فوي لذيذ بزاف و طريقتو ساهلة كيف ما غادي تشوفو معايا



اذن على بركة الله غادي نحتاجو ل
La Pâte Feuilletée او العجين المورق
كريم باتسيير
4دالبيضات
بيضة كاملة
3 م ك مايزينا
نص ليتر حليب
كاس كريم فريش
75 غ بيسطاش مهرمش
فاني
100 غ سكر او على حسب لذوق انا ستعملت 75 غ على ود الفوندون لي ستعملت من لفوق حلو بزاف

بالنسبة للفوندون غادي نحتاجو ل
سكر كلاصي
خل
كارمل
وقطرات من الما
شكلاط اسود ذايب

فريز
كيوي

اذن على بركة الله نشعلو افران يسخن
و نديرو لا باط ديالنا نتقلوها بمقلة من الفوق و ندخلها للفران طيب


نديرو الحليب والكريم فريش فوق البوطا بيسطاش مهرمش
نطربواصفر البيض و بيضة كاملة و نطربوهم مع السكر و نضيفو لهم لافاني وروح اللوز و نضيفو المايزينا نضيفو الخليط كلو على الحليب و البيسطاش

و نخليوه على نار مهيلة و نبداو فالتحراك

نغطيوه ببلاستيك ونخليوه يبرد
نخرجو لا باط ديالنا من الفران نوجدو الفوندو نديرو 2 زلايف نديرو فيهم السكر كلاصي و قطرات دالخل واحدة نضيفو عليها الكارمل و الاخرى نخليوها عادية ونضيفو قطرات دالما بشوية بشوية ا و نخلطو مزيان
ندير الفودون على اللاباط و نقادوه مزيان
نديرو خطوط ديال الشكلاط ثم بعود دالسنان نشكل الزواق ديالي لي انا باغا نخليوها تنشف على جنب نديرو لا كريم ديالنا
نستفو الفواكه ديالنا
ثم نديرو طبقة اخرى ديال الكريم
و نحطو لاباط و نعاودو العملية مع الطبقة التانية د لا باط
ثم نحطو الطبقة الاخيرة دالفوندون من الفوق







ها هي ميل فوي وجدات نتمنى تعجبكم و طبقوها
للاشارة يمكن ليكم تعوضو البيسطاش باللوز محمر او بالكركاع كيجيو لداااااااد بزاف
و انا رهن الاشارة للاجابة على تساؤلاتكم
ماتنسونيش من صالح دعائكم و في امان الله










هناك 10 تعليقات:

  1. تبارك الله علييك
    هدشي راائع

    ردحذف
  2. بارك الله فيك
    شكرا لك

    ردحذف
  3. السلام عليكم و رحمة الله

    ماشاء الله عليك احبيبة كلشي من تحت يديك عسل
    الله يطعمك من الجنة و نعيمها

    ردحذف
  4. سلام عليكم ورحمة الله وبركاته

    مشـــــــــــــــــــاء الله عليك الحبيبة، مبدعة

    ردحذف
  5. السلام عليكم و رحمة الله و بركاته

    ما شاء الله عليك حبيبتي
    دمتي متألقة


    Luna

    ردحذف
  6. الله يبارك فيكم و يسلمكم و شكرا جزيلا لكم

    ردحذف
  7. TBARKALAH 3LIK HAD CHI 3ANDAK GHZAL

    ردحذف
  8. tbarkllah 3lik akhti hadchi 3andak ktar mn ra2i3. brit nsawlak ila kan momkin kifach katssaybi lfoundo

    ردحذف
    الردود
    1. allah ybarak fik w yslmk a khiti chokran
      ha hwa rani katabha a khiti
      وجدو الفوندو نديرو 2 زلايف نديرو فيهم السكر كلاصي و قطرات دالخل واحدة نضيفو عليها الكارمل و الاخرى نخليوها عادية ونضيفو قطرات دالما بشوية بشوية ا و نخلطو مزيان

      حذف