الخميس، 27 يناير، 2011

الفريز بالشكلاط و عصير ديال التمر



هاد الطريقة زوينة و سهلة بش نقدمو الفريز بطريقة رااااائعة نتمنى من الله انها تعجبكم
و درت كذلك عصير ديال ماما رااااائع و لديد انشاء الله يعجبكم

نبداو على بركة الله مع طريقة تزيين الفريز



انحتاجو ل الفريز شكلاط اسود شكلاط و ابيض اعواد خشبية ورق االسلفيريزي شكلاط فرميسل فالالوان


نغسلو الفريز مزيان
نشفوه فمنديل مزيان باش مايبقاش فيه الما الابقى فيه لما غادي يفسد الشكلاط

نغطسو الفريزة فااشكلاط الابيض غير الوجه و فريزة اخرى نغمسوها كاملة حتى نكملو


ندخلوهم للثلاجة واحد 3 حتى ل4 دقائق


و ناخدو الفريزة اللي غطسنا ليها غير لوجه و نغطسو ليها الجناب ديالها فالشكلاط الاسود

نزوقوهم بهاد الشكل


ناخدو الفريزات لي غطسناهم كاملين نديرخطوط بالشكللاط الاسود و نديرو فوق منهم الشكلاط فرميسل


نجيو للعصير هوكيجي تقيل شوية والا بغتو تزيدو ليه احليب اكتر على حسب اختياركم



انحتاجو ل شوية ديال الكركاع التمر لفريز بنانة وكاس و نص حليب
كنطحنو هاد الاشياء كلها بلا سكر لان التمرر حلو و تفضلوه بالصحة والراحة


















هناك تعليقان (2):

  1. السلام عليكم و رحمة الله

    ماشاء الله عليك احبيبة كلشي من تحت يديك عسل
    الله يطعمك من الجنة و نعيمها

    ردحذف
  2. الله يبارك فيك احبيبة و اللهم امين على الدعاء لينا و ليكم و لجميع العباد

    ردحذف