الأربعاء، 19 يناير، 2011

كيك بالكارمل لذيذة و ساهلة




السلام عليكم و رحمة الله تعالى و بركاته



الكيك ديال اليوم كتجي لذيذة بزاف هي كيك بالكارمل ان شاء الله تعجبكم





على بركة الله سنحتاج الى



220 (غ دقيق مغربل(يتغربل عاد يتعبر

م ص خميرة
نص م ص بيكاربونات صوديوم
ملح
115 غ زبدة فحرارة المطبخ
180 غ سكر
2 بيضات كبار يكونو فحرارة المطبخ
250 مل لبن
فاني




الكارمل
250 مل كريم سائل
100 غ سكربني
م ك كليكوز او عسل
فاني

اذن على بركة الله نسخنو الفرن على 180 درجة مئوية 350 فهرنهايت
ندهنو المقلة ديالنا 20 سم بالزبدة و نرشوها بالطحين
نغربلو الطحين مرةاخرى معا لخمائر و الملح

نطربوالزبدة و السكر حتى تكريما
ثم نضيفو الفاني
نضيفو البيض وحدة بوحدة
وكل مرة كنضيفو البيض نطربو مزيان
ثم نخفضو من سرعة الطراب و نضيفو اللبن حتى يتخلط لينا مزيان
الخليط غادي يتحبب عادي ماتخافوش
نضيفو الدقيق والخمائر على 3 دفعات و كل مرة نخلطو مزيان

نوضعوالخليط فالمقلة و و نضربو المقلةعدة مرات باش يخرجو الفقاعات الهوائية لي فيها
ندخلوها للفرن من 35 حتى ل 40 دقيقة
منين تطيب نخرجوها و نخليوها تبرد

لتحضيرالكارمل
نوضعو الكريم السائل فكاسرونة و نضيفوعليه السكر , الكليكوزاو لعسل
و شوية دالملح

نخليوه يغلي حتى يذوب السكر على نارمهيلة نخليوه يغلي مابين 12 ت 14 دقيقة ثم نضيفو الفاني


نديروه على الكيك


هاهي منين وجدت بالصحة و الراحة
في امان الله




















هناك تعليقان (2):

  1. السلام عليكم و رحمة الله

    ماشاء الله عليك كل وصفاتك مميزة

    ردحذف