السبت، 25 فبراير 2012

تشيز كيك

السلام عليكم و رحمة الله

نتمنى من الله تكونو جميع فاحسن الاحوال يا ربي امين
اليوم ان شاء غادي نزل وصفة التشيز كيك





على بركة الله سنحتاج ل
200 غ بسكوي انا شخصيا كيعجبني نستعمل ماريا كيعجبني الطعم ديالو
80 غ زبدة دايبة
500 غ فرماج ( فيلاديلفيا ) اذا امكن او اي فرماج كيتدهن
انا هنا ستعملت 250 غ فيلاديلفيا و 250 غ ماسكرابون
4 بيضات
فاني
30 غ دقيق
قشرة حامضة
175 غ سكر ( انا عملت 120 غ فقط )
ملاحظة الا كنتو غادي تستعملو فرماع كيري او لافاش كيري من الافضل تزيدو واحد الشوية ديال السكر لانهم مالحين نسبيا
75 مل كريم سائل

نشعلو الفران على 180 درجة مئوية اي 350 فهرنهايت




ندهنو القلب ديالنا بالزبدة و الدقيق



اذن على بركة الله نطحنو البسكوي و نضيفو عليه الزبدة دايبة
و نخلطوهم ثم نعملوه فالقالب ديالنا و نبداو نضغطو عليه بيدينا

ندخلوه للفرن 10 حتى ل 13 دقيقة

نخرجوه من الفرن و نخليوه على جنب
نطربو الفرماج مع الفاني السكر
تقريبا 3 دقيق على سرعة متوسطة
نضيف البيض وحدة بوحدة 
 و نطرب بعد كل اضافة
نضيف الكريم و نطرب
نضيف قشور الليمون و نطرب
نضيف الدقيق و نخلط بشوية


ندخل المقلة للفرن لمدة 20 دقيقة و نزل درجة حرارة الفرن ل 300 فهرنهايت 148 مئوية
و نخليها فلفرن 25 دقيقة تانية


نطفي الفران و نخلي الكيك فيه 2 سوايع اخرين
ندخل الكيك مباشرة للتلاجة تبرد على الاقل 4 سوايع
عاد نزولها من المقلة
هاهي الكيك منين وجدات



بالنسبة لزواق رشيت عليها سكر كلاصي و عملت عليها لفريز مزوق بالشكلاط


نتمنى من الله انها تعجبكم و في امان الله

الجمعة، 24 فبراير 2012

شكلاط فشكلاط فشكلاط

السلام عليكم رحمة الله










اليوم ان شاء الله غادي نزل هاد الوصفة لي هي ساهلة ولكن المنظر ديالها كيكون رائع جدا
اذن على بركة الله سنحتاج لقالب ديال البلاستيك دائري على شكل نصف كرة كتباع فلمحلات الخاصة ببيع مستلزمات الحلويات
شكلاط ذايب
غبرة ذهبية



اذن كناخد الشكلاط كنعملو فالقالب النصف دائري
و نخليه حتى يبرد و نعاود نعمل فيه الشكلاط مرة اخرى
انا هنا عملت واحد بالشكلاط ابيض ا آخر بالشكلاط الاسود
زولتو من القالب و زوقتو بخطوط من الشكلاط الابيض
ثم زوقتو بحال لي فالصورة
و هدا الشكلاط الابيض منين زولتو من القالب
خديت طرف صغير من ورق الشكلاط او ممكن تستعملو حتى السلفيريزي او ورق الالمينيوم
كنعمل فيه الشكلاط بحال لي فالصورة
و كنلاقي الاطراف ديالو بحال لي فالصورة و نعملو يبرد فالتلاجة


كناخد النصف دائرة لي بالشكلاط الابيض و كنعمل عليها لاغبرة الدهبية بحال لي فالصورة


كناخدطرف ديال الشكلاط الابيض لي عملت من قبل و كنلصقو فاعلى النصف دائرة










ها هو الشكلاط ديلي وجد كنعمرو بالشكلاط
نتمنى من الله انو يعجبكم و في امان الله