الاثنين، 13 فبراير، 2012

دسير خفيف بمايزينا و ما زهر










 على بركة الله سنحتاج ل
نص ليتر حليب
3 م ك مايزينا
سكر حسب الذوق
م ك ما زهر
شوية دالزبيب و الكركاع مهرمش
للتزين
زلافة فريز مطحون او عصير الليمون
2 م ص مايزينا




 نعملو لحليب يسخن

 نخلطو مايزينا و ما زهر

 نضيفو الزبيب على الحليب ونبداو نحركو باش مايتحرقش لينا الزبيب


 منين يسخن لحليب نضيفو مايزين مع ما زهر و حنا كنحركو
منين يبدا يتقال نزولو من على العافية و نخليه على جنب



 ناخد الفريز و نعملو على عافية مهيلة و زدت عليه 2 سكر

 تم خديت تقريبا 3 م ك ديال الفريز و زدت عليهم 2 م ص مايزينا



 و خلطتو مزيان و ضفتو للفريز لي على العافية


 ضفت الكركاع على الحليب و الزبيب
 درت تقريبا 3 م ك فريز فكاس التقديم
و دخلتو للتلاجة يبرد


 ثم منين برد الفريز ضفت عليه خليط مايزينا و الحليب

 زوقتو بالشكل لي بغيت بالنسبة لهاد الشكل كنحطو فقط نقط ديال لفريز و بعود دالسنان كنعمل دائرة فقلب الفريز كتعطيني هاد النتيجة



ها هو منين وجد بالصحة و الراحة


هناك 6 تعليقات:

  1. السلام عليكمم ورحمة الله وبركاته
    مشاء الله عليك اختى فنانة

    ردحذف
  2. و عليكم السلام و رحمة الله
    الله يسلمك و ينجيك ا حبيبة

    ردحذف
  3. gouliliya had lma9adir ch7al dir lina men kas? pour le sucre ch7al bdabt lah ijazik bikhir

    ردحذف
  4. lkissan 3la 7ssab wach kbar aw la sghar
    ana had lmqadir kt3mal li 4 kissan fl7ajm li fora
    w bnssba lskar ana 3mlt 2 n3alaq kbar walkin tqdri tbghih ykon 7lw aktar

    ردحذف
  5. بالنسبة للي بغا يدير الليمون فبلاست الفريز

    ردحذف
    الردود
    1. ايه تقدري ديري الليمون غير غلي الليمون مزيان هو الاول عاد عمليه مرة اخرى يغلي مع مايزينا

      حذف