الاثنين، 24 سبتمبر، 2012

حلوة ديال كوكو المعلكة


السلام عليكم و رحمة الله

اليوم ان شاء الله بغيت نشارككم بهاد الطريقة ديال حلوة ديال كوكو لي بلفعل كتجي 

زوينة بزآآآآآآآاف نتمنى من الله انها تعجبكم






اذن على بركة الله نمرو للمقادير

180 غ ابيض بيض (5ابيض بيض اذا كان كبير و 6 اذا كان صغير)


400 غ سكر ضروري هاد الكمية لانجاح الوصفة


270 غ كوكو رقيق


فاني


قشرة حامضة محكوكة


اناناس ، شكلاط ، مربى او حسب الرغبة


نعمل كاسرونة فيها الما يغلي و نعمل فوق منها زلافة مقاومة للحرارة بان ماري


منين يغلي الما نقص من العافية و نعمل البيض السكر و كوكو




نبداو نخلطو على نار مهيلة مابين 25 تال 30 دقيقة

حتي نحصلو على عجين رخو بحال لي فالصورة

نزولوه من على العافية و نضيفو قشور الحامض

نخليوه يبرد تقريبا ساعة او اقل على حساب درجة الحرارة لي عندكم

انا كان عندي الصهد خدا لي تقريبا ساعة و نصف باش يبرد


اذا ما بردش ماغاديش تكور الحلوة

نعملها كويرات و نباعد بيناتهم و نعمل حفيرات فوسطها

نعمرهم على حساب الرغبة

ندخلوهم للفران يكون سخون مسبقا على درجة حرارة عالية 400 فهرنهايت 200 


مئوية ما بين 18 تال 20 دقيقة

يتحمرو و يولي لونهم ذهبي و من الداخل كيبقا لونهم ابيض*

منين كيبردو كيكون مقرمشين من برا و رطبين و معلكين من الداخل







كوكو ديالنا وجدات نتمنى من الله انها تعجبكم و اي استفسار انا رهن الاشارة

نتمنى من الله اناه تعجبكم 


في أمان الله و كل يوم و نحن إلى الله أقرب

هناك 8 تعليقات:

  1. mashallah 3lik a7biba chokran 3la had elwasfa raha tsjlat fi intidar etajriba :)
    oum dris

    ردحذف
    الردود
    1. allah ybarak fik w yslmk oum dris rabi ykhlik a khiti incha allah t3jabk a khti lhla ykhtik

      حذف
  2. السلام عليكم و رحمة الله و بركاته
    تبارك الله عليك حليوة غزاااااااااالة كتشهي ان شاء الله نجربها
    جزاك الله خيرا احبيبة

    ردحذف
    الردود
    1. و عليكم السلام و رحمة الله لطيفة
      الله يسلمك يبارك فيك يا ربي امين راها كتجي لذيييييييييييييييييييييييييدة بزآآآآآآآآف ان شاء الله تعجبك

      حذف
  3. shokran zin bghit nswlek wash sukkar 3adi olla glaci.merci

    ردحذف