الأحد، 30 سبتمبر، 2012

كيك بالشكلاط و الليمون و اللوز

السلام عليكم و رحمة الله و بركاته




هاد الكيك صراحة مدة طويلة و انا كنفكر باش نعملو لان طعم لبرتقال هنا عطا للشكلاط 

و اللوز طعم جميييييييييييييييييييييييييييييييييييييييييييييييييييل جدا و رائع

الكيك ساهل فالخدمة و مافيهش الدقيق فقط اللوز و لكاكاوا غبرة

و قشور البرتقال عطاتو نكة رآآآآآآآآآآآآآآآآائعة بزآآآآآآآآآآف

نتمنى من الله انو يعجبكم

على بركة الله سنحتاج ل







على بركة الله سنحتاج ل

180 غ شكلاط دايب

2 ليمونات ( برتقال )

180 غ زبدة فحرارة المطبخ

4 بيضات فحرارة المطبخ

200 غ لوز مطحون 

2 معالق كبار شكلاط غبرة بدون سكر مغربل

شكلاط للتزيين فهاد الرابط
http://ghizlanesweets.blogspot.com/2011/12/blog-post_19.html عجين اللوز للتزيين بهاد الرابط
http://ghizlanesweets.blogspot.com/2011/01/blog-post_6591.html


نوجدو مقلة بحجم 22 سم

نسخنو الفرن على 350 فهرنهايت 180 مئوية 



نطربو الزبدة و السكر لمدة دقيقة تقريبا




نحكو قشرة الليمون مباشرة فوق من الكريما لي طربنا باش نحتفضو بنكهة قوية
نطربو مرة اخرى لمدة 5 دقايق
نضيفو البيض وحدة بوحدة
 مع التطراب بعد كل اضافة




نضيفو الشكلاط الدايب
نضيفو الشكلاط غبرة و نخلطو مزيان بالسباتولا

ثم نضيفو اللوز
و نخلطو دائما بالسپاتولا
نعملو الخليط فلمقلة ديالنا نضخلوها للفرن مابين 45 تال 60 دقيقة او على حساب الفرن ديالكم








نخرجوها من الفرن نخليوها تقريبا 20 دقيقة عاد نزولوها من المقلة








تبرد تماما عاد نسخن الشكلاط و نضيفو عليها





عملت وريدات باللوز و عملت عليهم غبرة فضية
http://ghizlanesweets.blogspot.com/2012/08/blog-post_30.html و زوقت الكيك ديالي



















ها هي الكيك منين وجدات نتمني من الله انها تعجبكم 

في امان الله 

و كل يوم و نحن إلى الله أقرب


هناك 4 تعليقات:

  1. السلام عليكم و رحمة الله و بركاته

    طورطو رائعة و شكلها جد راقي تبارك الله عليك احبيبة

    ردحذف
    الردود
    1. بارك الله فيك حبوبة لطيفة لهلا يخطيك اخيتي

      حذف
  2. ماشاء لله حبيبتي روعة كيف العادة تبارك لله عليك الحبيبة ديالي

    ردحذف
  3. الله يسلم ايديك غزلانروعة اختي

    ردحذف