الجمعة، 31 أغسطس 2012

كيك بالحليب




السلام عليكم و رحمة الله

الكيك ديال اليوم ان شاء الله هو عبارة عن كيك مسقية بانواع معينة ديال الحليب 
نتمنى من الله انها تعجبكم





على بركة الله سنحتاج ل



الكيك
180 غ دقيق
15 غ خميرة الحلوى
8 بيضات مفصول الصفار عن البياض
200 غ سكر
نص معلقة حامض أو 1.5 غ كريما التارتار
للاشارة هاد المقادير ديال 2 مقالي ديال 20 سم
انا عملت نصف المقادير ف مقالي ديال 15 سم
بالنسبة للسيرو لسقي الكيك
حك نستلي حلو 
حك نستلي مسوس
480 مل كريم سائل
فاني
شوكولا ميروار فهاد الرابط
فواكه مقطعة
ميرانغ فهاد الرابط



نطربو ابيض البيض ثم نضيفو كريم التارتار او الحامض
نبدا نضيف نضيف نصف كمية السكر بشوية بشوية

نطربو حتى نحصلو على رغوة لامعة و ماشي تكون قاصحة بزآآآاف

نطربو اصفر البيض مع نصف كمية السكر المتبقية


نضيفو تلت كمية ابيض البيض و نخلطو بالسپاتولا
نضيفو تلت كمية ابيض البيض و نخلطو بالسپاتولا ثم نضيفو كمية ابيض اكبيض المتبقية
تم نضيفو الدقيق المغربل مع الخميرة بشوية بشوية و حنا كنخلطو بالسپاتولا


نعمل الخليط فالمقالي ديالي و ندخلهم لفرن متوط الحرارة لمدة 30 دقيقة
نخرجها من الفرن و نقلبها 




نحضر السيرو ديالي و نخلط جميع المقادير و نعملهم على الكيك لي خاصها تكون سخونة 
اذا بقات تابردات ماغاديش تشرب السيرو



عملت عليها الشوكولا ميراور و زوقتها بالفواكه و  الميرانغ








نتمنى من الله نها تعجبكم 
في امان الله و كل يوم و نحن الى الله اقرب

كيك جنواز و لا موس شوكولا




السلام عليكم و رحمة الله تعالى و بركاته





اليوم بغيت نقدم ليكم ان شاء الله هاد لحلوى لي كتجي لذيذة نتمنى من الله انها تعجبكم

اذن على بركة الله

مقادير الجنواز

4 بيضات

120 غ سنيدة

120 غ طحين مغربل

روح الفاني و روح اللوز
مقادير المرينغ بالشكلاط

5 ابيض البيض

120 غ سكر

روح اللوز و روح الفاني

50 غ شكلاط غبرة مسوس


بالنسبة ل لاموس 

2بيضات كاملات + اصفر بيضة

60 غ سكر مقسوم على 2 

2 م ك كونفيتير دالفريز اختياري

م و نص ديال الما

180 غ شكلاط 

250 مل كريم فريش بارد

للتزين

سكر كلاصي

اذن على بركة الله

نحضرو الكيك
 
شعلت الفران يسخن 





نطربو البيضو السكر و روح الفاني و روح الوز نطربو مزيان حتى كتولي لينا كريم 

باهت لونها بحال هاكا

ثم كنضيفو الطحين بشوية بشوية

انا هنا ستعملت 2 مقلاة ديال 15 سنتم درت فيهم العجينة ديالي

دخلت الكيك للفران

فهاد الاثناء بديت كنوجد المرينغ السويسري






طربت البيض و السكر تقريبا 2 دقايق بالطراب العادي







ثم حطيتو فبان ماري على نار مهيلة و بديت كنطرب(للاشارة الما راه ماخاصوش 

يقيس لينا الزلافة و الا البيض غادي يقساح)

كنستمرو فالتطراب تقريبا 15 دقيقة 


حتى كتسخن لينا المرينغ و كتصبح بحال هاكا



كنزولوالمرينغ من على البوطا و نغربلو الشكلاط غبرة و نخلطو 

الحجم كينزل


نخلطو مزيان و نديروه فالبلاستيك الخاص بالحلوى و نبداو نشكلوه بحال هاكا

ندخلوه للفرن لى نار مهيلة و ندخلوهم يطيبو لمدة 2 سوايع او 3

ها هو منين خرج مالفران

فهاد الاثناء ندوزو ل لاموس ديالنا


ندوبو الشكلاط ونخليوه يبرد فدرجة حرارة المطبخ




نطربو البيض و اصفر البيض مع 2 م صغار دالسكر



نديرو السكر لي بقا مع الما و نديروه على نار مهيلة حتى يدب السكر

نكبو السكر على البيض بشوية و حنا كنطربو 

ثم نحطو الخليط على نار مهيلة و حنا كنخلطو حتى يتقال الخليط و البيض كيبدا 

يتلصق فالكاسرونا


نديرو الخليط فزلافة كبيرة نبداو نطربو بسرعة كبيرة حتى يتضاعف لينا حجم الخليط

 و يبرد




نضيفو الشكلاط لي غادي يكون بارد فدرجة حرارة المطبخ



نطربو الكريم فريش و نضيفوه على الخليط

ندخلوه للتلاجة حتى نحتاجوه

اذن نمونطيو الكيك

قسمت الكيكات ديالي و سقيتهم
درت طبقة من الكريم

ثم غطيتها كلها بالكريم



والمرينغ لي بقاقسمتو و درتو من الفوق


رشيتها بسكر كلاصي و دخلتها للثلاجة تقريبا 6 دالسويع

ها هي الكيك





نتمنى من الله انها تعجبكم
في امان الله
كل يوم و نحن إلى الله أقرب