الخميس، 30 أغسطس، 2012

الميرانڭ










المرينغ 






اذن على بركة الله سنحتاج ل
250 غ ابيض البيض
450 غ سكر
روح الفاني او القهوة للتزيين او اي نسمة نتوما تفضلوها



اذن على بركة الله نبداو نطربو البيض هو الاول حتى يبدا يبياض شوية و نبداو نضيفو السكر بشوية بشوية تم نضيفو الفاني
هادي نقطة مهمة السكر مانضيفوهش كلو مرة وحدة خاصنا نضيفوة بشوية بشوية 








و نستمرو فالتطراب حتى ابيض البيض كتكون فيه واحد اللمعة و كيكون قاصح






نشعلو الفران على 90 درجة مئوية اي 200 فهرنهايت قليل قليل قليل العافية كنحسوها غير بشوية
لانو خاصو يطيب على نار محيلة باش ينشف و فنفس الوقت خاصو يبقا لونو ابيض 



انا هنا عملت ديسكات و عملت اعشاش لي ممكن نعمروهم بالكريم و الفواكه او 

الكلاص

و عملت هادوك النقيطات لي ان شاء الله ناوية نزوق بيهم واحد الحلوى

المرينغ كيخصها تطيب مابين 3 حتي ل 4 سوايع او حتى اقل انا غير كتفوت واحد 2 


سوايع و نص كنخرج وحدا من الفران و كنخليها تبرد الا كورتها و كانت مقرمشة 


راهم وجدو و الا كانت باقا معلكة كيخصنا نعاود نرجعوهم للفران

منين كيبردو كنعملهم فبواطا ديال البلاستيك من الافضل تكون جديدة و ندخلهم للثلاجة 


حتى نهار نحتاجوهم

نتمنى من الله انهم يعجبوكم و في امان الله




ملاحضة : كل الادوات لي غادي نستعملوهم

 لتحضير المرينغ بدأ من الطراب الى راس التزيين 

يكونو مغسولين مزيان و مايكونش فيهم اثر ديال

 الزيت او الزبدة و الا المرينغ ماغاديش تطلع ليكم
 
في امان الله و اي استفسار انا رهن الاشارة




و كل يوم و نحن الى الله اقرب

ليست هناك تعليقات:

إرسال تعليق