الأحد، 22 ديسمبر 2013

نوعين من عجين التارت


عجين حلو بالبندق و الشوكولا



السلام عليكم و رحمة الله
نتمنى من الله تكونو جميع فاحسن الاحوال يا ربي امين
هادي وصفة ديال عجين حلو بالبندق و الشكلاط لي كنعمل بزآآآآآف كنعملها كقاعدة للتارت او بعض المرات كنعمل معا البيض كامل و نعملها سابلي صغيراو كنعملها بحال شورت برد بدون بيض كتجي روعة بزآآآآآآآف
نتمنى من الله انها تعجبكم
العجين كيكون سهل التكسر لهدا قبل مانعمرها لازم نحطها فالتلاجة تبرد باش الزبدة لي فيها تقصاح عاد نعمرها او اذا عمرتها و دخلتها للفرن لازم مانزولهاش من المقلة قبل ما تبرد

على بركة الله سنحتاج ل
250 غ دقيق
20 غ بندق بقشرتو
40 غ شكلاط غبرة بدون سكر
2 اصفر البيض
ڤاني
50غ سكر او اكتر حسب الدوق انا هنا كنت غادي نعمر التارت بموس دالحامض و هي حلوة لهدا نقصت من السكر
180 غ زبدة


 على بركة الله
نطحنو النوازيت 
نرملو العجين الطحين و الزبدة





ثم نضيفو باقي المقادير و العجين دائما خفيف






ندخلها لفرن متوسط الحرارة ما بين 25 تال 30دقيقة او على حسب درجة حرارة الفرن
نتمنى من الله نكون فدتكم ولو بالقليل
في امان الله




عجين حلو باللوز

 السلام عليكم و رحمة الله
نتمنى من الله تكونو جميع فاحسن الاحوال يا ربي امين
هاد العجين الحلو كيعجبني و هو المفضل عندي فجميع التارت تقريبا اضافة لنوع اخر كيجي تقريبامورق كنعجنو باللبن كيجي روعة حتى هو ان شاء الله نزلو ضمن الوصفات القليلة القادمة
انا بالنسبة للعجين كيما قلت هدا هو لي كنعمل دائما فقط كنغير فالنكهات مرة كنعمل النوازيت و مرة پيسطاش و مرة كنعمل نوازيت و شوكولا 
المهم كنحاول مرة مرة ندخل نكهة جديدة او بعض المرات كنعمل الكوك و اللوز او حبات النسكافي المهم لكم الاختيار
على بركة الله سنحاج ل


250 غ دقيق
175 غ زبدة 50 غ لوز مصلوق و مطحون
60 غ سكر ڭلاصي
قليل من الڤاني
قليل من الملح
2 اصفر البيض

 على بركة الله نطحنو اللوز و نخليوه على جنب
نعملو اولا الزبدة و الدقيق و الملح و نحاولو نرملوهم فالماكينة او بيدينا 
 تم نضيفو اصفر البيض و اللوز و السكر ڭلاصي

 ثم نعجنو الجين و نخلطو حتى يتكون عندنا عجين يكون خفيف ماشي قاصح
نعملوه فپلاستيك و ندخلوه للتلاجة

 منين نبغيو العجين طبعا نخرجوه من التلاجة و نشعلو الفرن على حرارة متوسطة
بما ان العجين كيكون خفيف من الافضل نعملوه ما بين 2 ورقات پلاستيك او 2 ورقات سلفيريزي و نطلقو العجين و بسهولة نعملوه فالمقلة





نتمنى الوصفة تكون فادتكم و اي استفسار انا رهن الاشارة و لاتنسونا من صالح دعائكم و في امان الله

الثلاثاء، 19 نوفمبر 2013

كيك راقي جدا للاعياد و المناسبات

 السلام عليكم و رحمة الله
نتمنى من الله تكونو جميع فاحسن الاحوال
هاد الكيك كنت عملتو فالعيد الصغير و هادي مدة و انا بغيت نزلو و اليوم عاد كتاب الحمد لله
انا هنا عملت الكيك المفضل عندي هو باللبن كيجي مداق رآآآئع و كذلك ماكنحتاجوش نسقيوه 
هنا عملت موس شوكولا بدون بيض و موس مانڭو و زوقتهم بورد بعجين اللوز و بالڭناش
على بركة الله سنحتاج ل

 كيك بالشكلاط و اللبن من هنا او اي كيك نتوما تفضلو
http://ghizlanesweets.blogspot.com/2012/09/blog-post_21.html
موس بالمانڭو
250 غ مانڭو
5 غ جيلاتين
200 مل كريم سائل
50 غ سكر
على بركة نطحن المانڭو و نعملو يسخن مع السكر و نحركو حتى يدوب السكر
نعملا الجيلاتين فقليل من الماء البارد 
نضيف الجيلاتين على المانڭو الساخن و نحركو حتى يدوب الجيلاتين
نخليوه يبرد تم نطربو الكريم و نضيفوه على المانڭو

ناخد الكيك و نزول الطرف الاول تقريبا 2 سنتم
ثم نخوي الكيك دون الوصول الى القعر
نعمر الكيك بموس الشوكول
ثم نعمل المانڭو فالوسط
نغطيها بما تبقى من موس الشوكولا
نغطيها بالطرف لي زولنا من قبل

نعمل الشوكولا ميراور

هنا خديت قليل من عجين اللوز و حرقتو بالتورش و كتبت فيه عيد سعيد بالشوكولا

عملت هاد الزواق بالڭناش دخلتها للتلاجة شوية عاد زوقت بها



زوقتها بالورد بعجين اللوز
نتمنى من الله انها تعجبكم و لا تنسونا من صالح دعائكم و في امان الله

الأحد، 17 نوفمبر 2013

طريقة عمل ڭلاصاج ميراور بالالوان

السلام عليكم و رحمة الله
 نتمنى من الله تكونو جميع فاحسن الاحوال
وصفة اليوم كما وعدتكم سابقا هي طريقة عمل ڭلاصاج كيلمع بالشكلاط ابيض و ممكن ضيفو لو اي الوان تفضلو 
على بركة الله سنحتاج ل
 130 غ شكلاط ابيض
2 غ جيلاتين
85 غ كريم سائل
15 غ ڭليكوز او كورن سيراپ
اي ملون تفضلوه
ممكن ضيفو اي نكهة پسطاش او فريز او لوز المهم اي حاجة تفضلوها
 نعملو الجيلاتين فقليل من الماء البارد
نعملو الكريم يسخن على نار مهيلة و نضيفو الڭليكوز
ندوبو الشوكولا و نخليوها جانبا
 حينما يغلي الكريم نضيف الجيلاتين ثم نحتك حتى يدوب


 نضيفو النكهة لي بغينا مع الملون للحصول على اللون المطلوب
 هنا كنت باغاه لون وردي فاتح
هنا ضفت عليه تقريبا معلقة عجين البيسطاش مع ملون اخضر 


نحركو حتى تتجانس كل العناصر و نضيفوه على الكيك  

نتمنى من الله نكون فدتكم و لا تنسوني من صالح دعائكم و في امان الله