الكراميل

السلام عليكم و رحمة الله
نتمنى من الله تكونو جميع فاهسن الاحوال يا ربي امين
الوصفة ديال اليوم ان شاء هي الكرامل
اذن على بركة الله سنحتاج ل
240 غ سكر
240 مل كريم سائل
120 غ كليكوز او كورن سيراب
فانيلا
45 غ زبدة

نعملو الكريم و السكر و الكليكوز و الفاني فكاسرونة

و نخليوهم يغليو على نار متوسطة

حتى توصل درجة الغليان الى 245 فهرنهايت 118 مئوية

نضيف الزبدة

و نخليه يغلي حتى يرجع ل 118 مئوية

الكرامل ها هو وجد

نعملو فلمقلة لي وجدت من قبل

نخليه حتى يبرد تقريبا 24 ساعة و نقطعو و و نعملو فشكلاط او نعمرو به حلوى
نتمنى من الله ين الوصفة ديال اليوم تعجبكم و في امان الله