الثلاثاء، 14 فبراير، 2012

لعشاق القهوة و الشوكولا كيك اوپرا


 






 الكيك ديال اليوم ان شاء الله هي اوپرا بالشكلاط و كريم بالزبدة
ان شاء الله تعجبكم




 على بركة الله سنحتاج ل
جنواز باللوز
300 غ بيض كامل
450 طحين اللوز موجود فهاد الرابط
30 غ سنيدة
195 غ ابيض البيض
60 غ طحين
45 غ زبدة ذايبة



لسقي الكيك
قهوة سريعة الذوبان + ماء + سكر



بالنسبة لكريم الزبدة سنحتاج ل
250 مل كريم سائل
90 غ سكر سنيدة
90 غ اصفر البيض تقريبا اصفر البيض لي كيتبقى
250 ع زبدة
2 م ك قهوة سريعة الذوبان


بالنسبة لكريم الشكلاط
350 غ كريم سائل
350 غ شكلاط
45 غ زبدة



بالنسبة لكلاصاج

250مل كريم سائل
250 غ شكلاط



الطريقة

على بركة الله نشعلو الفران يسخن


 نطربو البيض الكامل مع طحين اللوز و الطحين ما بين 7 حتى ل 10 دقايق


 نطربو ابيض البيض مع السكر حتى يطلع لينا مزيان
 نضيفو الزبدة
 و نضيفو ابيض البيض
 نخلطو مزيان
 حتى نحصلو على مزيج بحال هاكا
 نسرحو العجين فالمقالي ديالنا و ندخلوهم للفرن

ها هما منين خرجتهم من الفرن
نخليوهم على جنب يبردو

نمرو الان لتحضير كريم بالزبدة


 نعملو الكريم يسخن
 و نطرب اصفر البيض مع السكر
 نضيف الكريم الساخن على البيض و نطربو شوية


 ثم نعملو يغلي تقريبا 13 دقيقة على نار مهيله"

نطفي البوطا و نعمل الخليط فزلافة كبيرة و نطربو

 نضيف القهوة و نستمر فالتطراب حتى يبرد الخليط

 عاد نضيف الزبدة بشوية بشوية



ها هو الكريم منين وجد
نمرو الان لتحضير كريم بالشكلاط
نعملو الكريم يسخن
نضيفو عليه الشكلاط و نستمرو فلتحراك حتى يذوب الشكلاط
و يبدا يتغير اللون ديالو
تم نزولوه من فوق البوطا و نخليوه يبرد عاد نطربوه













 بالنسبة للمونطاج
 خديت الاطار عملت فيه الكيك
سقيتها بلقهوة
 عملت الكريم بلازبده و سرحتو
 عملت طبقة اخرى ديال الكيك و سقيتها و عملت فوق منها الكريم ديال الشكلاط



 عملت كيك و سقيتها و عملت كريم دالزبدة لي بقا


سرحتو مزيان و دخلتها للثلاجة

نمرو الان للكلاصاج



 عملت لكريم يسخن
 زدت الشكلاط


 و خليتو حتى برد و ضفت عملتو على الكيك










و ها هي الكيك منين وجدت
نتمنى من الله انها تعجبكم

في امان الله

هناك 8 تعليقات:

  1. tbark allah 3lik
    serieusemnt kate3jebni had lkika ....
    jerebtha wa7ed lmerra ....lmadaq dial cafe kyji fiha ghzal....^_^

    ردحذف
  2. allah ybark fik oui c'est vrai kyji zwin bzaf le gout dyal qhwa
    merci

    ردحذف
  3. تبارك الله عليك الاخت غزلان
    هادشي عندك كيشهي
    كنحييك على الذوق ديالك

    ردحذف
  4. شكرا maghreb united بارك الله فيك

    ردحذف
  5. tebarkellah 3lik mashallah, allah yewaf9ak l kol khire w yejazik belkhire
    allah yekhalik beghit nessawlak wach momkin ne3awade la creme b la7libe

    ردحذف
  6. allah ybarak fik w ysslmk w lhla ykhtik
    eyah momkin diri lhlib 3ewad la creme

    ردحذف
  7. chokran okheti pour ta reponse w allah yejazik b khir

    ردحذف
    الردود
    1. al3afw akhiti w allhoma min hna w ntoma w jmi3 l3ibad

      حذف