الأربعاء، 13 أبريل، 2011

المرينغ معمر من مطبخي










ليوم بغيت ان شاء الله نشارككم هاد المرينغ لي هو ساهل و بسيط و كيجي لذيييييذ تبارك الله
اذن على بركة الله غادي نحتاجو ل


2 ابيض بيض
115 غ سنيدة
روح اللوز او اي نسمة تفضلوها
فواكه مشكلة او كريم للتزيين
سكر كلاصي و كاوبل مسوس
شكلاط دايب
اذن على بركة الله غادي ندير ابيض البيض نبداو نطربوه و نضيفو روح اللوز و السكر بشوية بشوية





و نستمرو فالتطراب بالسرعة القصوى لمدة 7 حتى ل 10 دقايق او على حسب الطراب لي كتستعملو
شوفو هنا الصور توضح ليكم
خاصو يكون شاد راسو مزيان









ثم كندير المرينغ فجيب الحلواني و نبدا نشكل هاد الاشكال اما دائرية او مربعة او لي عجبكم
من بعد نديرو فالفران على درجة حرارة منخفضة حتى كيطيبو على راحتهم












ثم منين كنخرجهم من الفران كنعمرهم باش بغيت ونزوقهم
نتمنى من الله يعجبوكم و اي استفسارانا فالخدمة
في امان الله


هناك تعليقان (2):