الثلاثاء، 1 يناير 2013

رولو كيك على شكيل جديد و لديد







نتمنى من الله تكونو جميع فاحسن الاحوال يا ربي امين
هاد الكيك رولو شوية مختلف حيت عملتو رولو فقلب رولو و عمرتهم بحشوات مختلفين 
طبعا ممكن تعمرو باي حشوة بغيتو
انا هنا مسقيتش الجنواز و غالبا ماكنبغيش نسقيها لانها كتهرس بسهولة و هي رقيقة و انا غالبا كنبغي نخدم باسپونج كيك لانها كتكون لينة و ماكتحتاجش انها تسقى
بالنسبة لهنا عملت فيها الزبدة باش تلينها و مانضطرش نسقيها
على بركة الله سنحتاج ل




اذن على بركة الله سنحتاج ل 
جنواز عادية
3 بيضات
90 غ دقيق
40 غ  زبدة مدوبة
75 غ سكر
فاني




جنواز بالشكلاط 
4 بيضات
90 سكر

90 غ دقيق 
10 غ شكلاط غبرة بدون سكر

40 غ زبدة مدوبة

فاني




الميرانغ الايطالي فهاد الرابط







نبداو على بركة الله بالجنواز الاولى


نطربو البيض و السكر و لافاني حتى يتضاعف الحجم 3  مرات
نضيفو الدقيق المغربل و نخلطو بشوية


ثم اخر حاجة نضيف الزبدة المدوبة
و دائما نخلطو بشوية
عملتها فالمقلة و دخلتها للفران 9 دقيقة متوسط الحرارة
حطيتها على جنب تبرد 
عملت عليها ڭناش دو فريز


لويتها و دخلتها للتلاجة تبرد





نمرو الان لتحضير الجنواز بالشكلاط




نغربل الشكلاط و الدقيق  ونبدا نحضر الجنواز بحال الخطوات السابقة و نعملها فمقلة اكبر و نسرحها و ندخلها لفران لمدة 12 دقيقة


















طربت الكريم و زدت عليه الشكلاط و عملتو على الكيك



عملت الكيك الاول لي حطيت فالتلاجة فقلب من الكيك ديال الشكلاط

طربت الميرانڭ و عملتو عليه 








 
 غربلت السكر ڭلاصي و عملتو عليها و حرقتو ب torch





ها هي منين وجدات 




و ها هي مني قطعتها









نتمنى من الله انها تعجبكم 
في امان الله










هنا كنت عملت نفس الطريقة ولكن الجنواز بالشكلاط عملت فيها 40 غ شكلاط
و 60 غ دقيق و غربلتهم
و طربت الكريم مع حليب مركز حلو و سرحتو على الكيك و عملت عليه الشكلاط و البرالين و و الفيوتين كان عندي هاد الخليط و لويتها و عملت عليها الڭناش










هناك تعليقان (2):

  1. أزال المؤلف هذا التعليق.

    ردحذف
  2. tbaraka allah 3lik akhti
    ila kan momkin 3tini la3bar dyal lata lidarati fiha jinwaz
    wa bach tnashini hanat ana chhal hada jatabt wahda wa mani bghit nrouliha katharasse liya wa 3awadatha wa nafasse almochkil bach tnashini bach natfada anaha katharasse liya

    ردحذف