كيك مغلفة بعجين الشكلاط

السلام عليكم و رحمة الله
الكيك ديال اليوم هو عبارة عن كيك مغلف بالعجين الشكلاط و لي يمكن لينا نعملوه فعوض عجين السكر او عجين اللوز
ان شاء الله نزل طرق لعجين الشكلاط بدون كورن سيروب او شراب الذرة
الا كان عندكم شراب الذرة فالمتناول يمكن ليكم تستعملوه بحال لي انا عاملة الطريقة ديالو فهاد الرابط و الا ماكانش ان شاء الله نزل واحد 2 طرق باذن الله
على بركة الله سنحتاج ل

 اذن على بركة الله سنحتاج ل عجين الشكلاط فهاد الرابط






كيك جنواز 
عجين الشكلاط
http://ghizlanesweets.blogspot.com/2011/03/blog-post_16.html
 سيرو لسقي الحلوى
كريم سائل
اي حشوة نتوما تفضلوها

انا هنا عملت 2 كيكات كنت باغاها تجي عالية
قسمت الكيك على 2 و سقيتها بالسيرو
خديت الكريم طربتو و ضفت ليه السكر كلاصي و الفاني و خديت القليل منو ابيض عملتو فكيس التزيين

عملتو على الجناب على شكل دائري
الغرض من هاد العملية اني نخلي الحشوة فوسط الكيك ماتخرج لي على جنبات الكيك

عملت الحشوة ديالي و هي بارة عن خليط من الكريم باتسيير و الكريم شونتي و الشكلاط و البيسطاش (الفستق)

هنا منين كملت كل الطبقات لي عندي

عملت الطبقة الاخيرة و سقيتها

دهنتها بطبقة خفيفة من الكريم

طلقت عجين الشكلاط بالمدلك

غلفت به الكيك

زوقتو بهاد الاشكال من الشكلاط الابيض
و عملت عليه غبرة ذهبية

نتمنى الله انو يعجبكم و اني نكون توفقت فالشرح
في امان الله