السبت، 7 أبريل، 2012

عجين الشكلاط بالعسل و بدون كليكوز

 اذن على بركة الله سنحتاج
200 ع شكلاط دايب اسود
100 غ عسل
سكر كلاصي حسب الخليط
15 غ ديال الما تقريبا 2 معالق كبار
بالنسبة لشكلاط الابيض كنعملو 50 غ عسل و نخليو باقي المقادير كيما هي

كنضيف الما على العسل و نضيفو على الشكلاط الدايب و نخلطو مزيان





كيصبح عندنا شكلاط تقيل نسبيا بحال لي فالصورة


 نخليه على جنب يبرد تقريبا شي ساعة حتى يتقال


 نبدا نضيف سكر كلاصي بشوية بشوية


 و نخلط حتى يبدا يتقال كنعملو فبلاصة لي كنعجن فيها و نبدا نعجن و نضيف سكر كلاصي حتى يتجمع


نعملو فبلاستيك و ندخلو للتلاجة و الا كنتو غادي تخدمو نيه داك الساعة من الافضل خليوه فحرارة المطبخ
انا فهاد النوع ديال عجين الشكلاط كنفضل الشكلاط مسوس بدون سكر لاننا كنضيفو العسل و السكر كلاصي
الطعم ديالو رائع بزاف يمكن لينا نعملو به الورد او نغطيو به الكيك او نزوقو به السابلي او نزوقو به الكاب كيك المهم كتبقى الامور مفتوحة ليكم و نتوما تزوقو به كيف بغيتو
نتمنى من الله ان الوصفة تعجبكم و في امان الله

ليست هناك تعليقات:

إرسال تعليق