الاثنين، 30 أبريل 2012

كوكيز بالشوفان و الجوز و الشكلاط



السلام عليكم و رحمة الله
ليوم ان شاء الله غادي نزل مقادير هاد الكوكيز لي كيجيو زوينين بزآآاف
نتمنى من الله انهم يعجبوكم
على بركة الله



اذن على بركة الله سنحتاج ل
315 غ دقيق
4 غ بيكاربونات صوديوم
قرفة
270 غ شوفان ( خرطال )
270 زبدة فحرارة المطبخ
170 غ سكر
170 غ سكر بني
2 بيضات
45 مل عصير برتقال مركز او عادي
فاني
قليل من الملح
قليل من الزبيب و الكركاع و حبيبات الشكلاط*

نغربلو الدقيق الصودا و القرفة و الملح و نضيفو عليهم الشوفان

تم نضيفو الشكلاط و الزبيب

نخلطو الزبدة حتى تكريما 

و نضيفو الانوع ب 2 ديال السكر و نستمرو فالتطراب

حتى تولي عندنا كريما لونها باهت


نضيفو البيض وحدة بوحدة و نطربو بعد كل اضافة

نضيفو عصير البرتقال المركز
و نخلطو
ثم نضيفو خليط الدقيق

الخليط كيبقى خفيف
كنعملوحم بالشكل لي كتشوفو فالصورة فالمقلة و ندخلهم لفران على درجة حرارة 375 فهرنهايت 190 مئوية*


لمدة 12 دقيقة حتى يصبح لونهم ذهبي


ها هما منين وجدو نتمنى من الله انهم يعجبوكم 
ممكن تستغناو على الشكلاط و الكركاع 
في امان الله

ليست هناك تعليقات:

إرسال تعليق