السبت، 10 مارس 2012

كيك شيفون


السلام عليكم و رحمة الله و بركاته




نتمنى من الله تكونو جميع فاحسن الاحوال يا ربي امين
هاد الكيك  من نوع ديال الكيكات لي كيجيو خفاف بزاف و من اسرار النجاح ديالو 2 ديالا الشياء مهمة الزيت كعنصر رئيسي ثم المول او قالب الكيك ماخصوش يكون مدهون
الا دحنتو القالب ديال الكيك ماغاديش نحصلو على الكيك كيما كتشوفوها فالصورة
اذن على بركة الله نمرو للمقادير
سنحتاج ل
240 غ دقيق مغربل
220 غ سكر
12 غ خميرة الحلوى او 2 باكيات و نص
قليل من الملح
120 مل زيت نباتي
6 اصفر البيض انا عملت 7 لان كان نسبيا صغير
60 مل ماء بارد
120 مل عصير البرتقال
قشرة 2 ليمونات
فاني
8 ابيض البيض
كنسخن الفرن على درجة حرارة 325 فهرنهايت اي 160 مئوية


على بركة الله نغربلو الدقيق و 120 غ سكر و الخميرة و الملح




نخلطو اصفر البيض الزيت الماء البارد عصير البرتقال قشور الليمون و الفاني حتى تتجانس العناصر بالطراب اليدوي ثم نضيفو خليط الدقيق



نضفو خليط الدقيق





نطربو ابيض البيض مع كمية السكر المتبقية و نضيفو تلت كمية السكر باش نخففو العجين

نضيفو البيض المتبقي و نخلطو حتى تتجانس العجينة و نحاولو باش مايتهرسش لينا ابيض البيض


القالب كيف كتشوفو مامدهونش
كنعمل فيه الكيك و ندخلو للفرن تقريبا 50 حتى ل 60 دقيقة

اول ماكنخرج الكيك من الفرن نكون موجدة قرعة ديال الزيت او الخل نقلب عليها الكيك
الا خليناه فالمقلة غادي يعرق و العلو ديالو ممكن ينزل
كنخليوه معلق حتي كيبرد



فهاد الاتناء كنحضر هاد الكلاصاج
90 غ سكر كلاصي
30 مل عصير البرتقال
قشرة برتقالة محكوكة

كنعملو على الكيك ديالي و تفضلوها بالصحة و الراحة



نتمنى من الله انها تعجبكم و في امان الله

هناك تعليقان (2):

  1. ما شاء الله عليك والله يعطيك الصحة

    ردحذف
    الردود
    1. الله يبارك فيك و يسلمك اختي شكرا لك

      حذف