الأربعاء، 28 مارس، 2012

سر من اسرار الكيك

 السلام عليكم و رحمة الله


 بالنسبة للكيك اكيد كلنا سواء مبتدئات فالحلويات او خبيرات مرة مرة او ديما كتجينا الكيك جهة طالعة و اخرى نازلة او منفوخة من الوسط و ماكيكونش منظرها زوين الا بغينا نزوقو بيها
المهم بلا تطوال السر كيكمن فواحد الشريط من الاليمينوم و القطن فنفس الوقت
هاد الشريط انا شريتو جاهز بالنسبة للاخوات المقيمات فامريكا او فبعض دول الخليج يمكن ليهم يشريوه جاهز من عند ويلتون
بالنسبة لهاد الشريط كيما قلت كيتكون من الاليمينيوم و القطن و كنعملو فلما بارد قبل منعملو على القالب ديال الكيك و ندخل الكيك للفرن النتيجة ان الكيك كتبقى مقادة و مكتنفخش


 لعمل هاد الشريط فالمنزل كنحتاجو ل







 ورق مطبخ او قطعة ديال القطن كلها تكون قطن

 نقطعو شريط من ورق الاليمينيوم على حسب المول ديلنا و نخليو واحد 4 سنتيم زايدة

 نعمل الورق المطبخي او القطن فالماء البارد و نخليه يشربو مزيان
من بعد نعملو فقلب من شريط الاليمنيوم و نلوية بحيث مايبانش لي الثوب المقطن او ورق المطبخ



 نلويه علي القالب ديال الكيك و نقفل الجناب بفنيتة او ابرة المهم نتاكد راهو ماغديش يتحل
هنا عملت الجنواز و عملت 2 وحدة بشريط لي انا شريت و وحدة بشريط لي عملت فدار
دخلت الكيك للفرن


 هاهي النتيجة منين خرجتها من الفرن

نتمنى من الله ان هاد الطريقة تعجبكم و نتمنى من الله اني نكون توفقت بشرحها و اي استفسار انا فالخدمة
في امان الله

هناك 6 تعليقات:

  1. meerrciiii wakha ma fhamtch 3lach za3ma kifach kay2atar 3la l cake

    ردحذف
    الردود
    1. had alcrit kysm7 ll 7rara ttwaza3 3la al cake camal

      حذف
  2. السلام عليكم الله يعطيك الصحة الصراحة طريقة غزالة غنقلب على الشريط ونشريه

    ردحذف
    الردود
    1. و عليكم السلام و رحمة الله
      الله يبارك فيك و يسلمك اخىتي

      حذف