تشيز كيك قطني على الطريقة اليابانية من الذ و اروع مايكون

 السلام عليكم و رحمة الله

نتمنى *من الله تكونو جميع فاحسن الاحوال يا ربي امين

هاد الكيك هي كتجي رآآآآآآآآئعة و لديدة و هي كانت جات عندي صديقتي مي هي من 

الصين و جابتها لي و كانت عجباتني و الله يجازيها بكل خير كانت عطاتني الطريقة 

بالتفصيل و عطاتني حتى سر نجاحها*

على بركة الله سنحتاج ل

125 غ فرماج ستعملت فيلادلفيا 

90 مل حليب

15 غ زبدة

30غ دقيق

ڤانيلا

25 غ مايزينا  نشا

3 اصفر البيض

3 ابيض البيض

قليل من الملح

1 معلقة صغيرة عصير الحامض

75 غ سكر

فكاسرونة و على نار مهيلة نعملو الحليب و لفرماج و الزبدة و نحركوهم مزيان حتى 

نحصلو على خليط تقيل و متماسك

نزولوه من على العافية و نخليوه يبرد قليلا يكون دافي

و نضيفو الدقيق و النشا و نحركو مزيان

نضيفو اصفر البيض و نخلطو مزيان

تم نترك الخليط جانبا

و نمر لتطراب ابيض البيض*

نطربو ابيض ابيض قليلا تم نضيفو قطرات الحامض و نستمر فالتطراب لمدة 2 دقائق 

على سرعة متوسطة

ثم نضيفو قطرات الحامض

للاشارة الوصفة الاصلية هي فيها كريم التارتار و انا كنت كنستعمل كريم التارتار حتى 

مؤخرا عرفت ان كيتكون من العنب المتخمر*

و اثناء البحث و السؤال عرفت ان بديل كريم التارتار هو الحامض لانو يساعد على 

تماسك و مساعدة الكيك فالانتفاخ مثل الخميرة او بيكاربونات الصوديوم

نضيفو السكر شيئا فشيئا حتى الحصول على ميرانڭ خفيفة و رطبة و ليست ناشفة

ناخد ربع كمية الميرانغ و نضيفها على الخليط لي حضرت من قبل و نخلط

تم نضيف ربع اخر و نخلط

تم نضيف الخليط على الميرانغ المتبقى و نخلطو

نمرو الان لسر نجاح هاد الكيك و هو اننا لازم نغلفو القالب بالاليمينيوم و القالب 

ماندهنوهش بالزبدة

كنت عملت لما وسخن من قبل و خليتو على جنب و سخنت الفرن على 350 درجة*

عملت العجين فالقالب المغلف بالاليمنيوم و عملت الماء الساخن فمقلة اكبر و عملت 

وسطها القالب و دخلتو للفرن لمدة 45 دقيقة

هنا منين خرجتو من الفرن

اول مانخرجوه من الفرن لازم نزولو الكيك من القالب بسرعة و نفتحو الاليمنيوم كما في 

الصورة

لان اذا بقا الاليمنيوم الكيك سوف تتعرق و ينقص حجمها

خليتها بردات تقريبا 20 دقيقة فحرارة المطبخ و دخلتها للتلاجة

خديت الفواكه المتواجدة عندي كانت مجمدة*

عملتها تغلي مع قليل من السكر و الفاني و خليتها بردات و عملتها على الكيك و زوقتها 

بالشوكولا

هدا شكل الكيك من الداخل*

كتجي خفيفة بزآاف و لديدة

هاد الشي لي بقا منها اول ما نزلتها

اللهم ادمها علينا نعمة و لا تحرمها من الزوال

نتمنى طبقوها و تعجبك و ماتنساونيش انا و صديقتي مي من دعواتكم و المرجو الدعاء ل 

مي بتثبيت ايمانها و اصلاح ذريتها و ذريتنا يا رب

في امان الله