سپونج كيك بالشكلاط و لفريز

السلام عليكم و رحمة الله

الكيك ديال اليوم ان شاء الله هو عبارة عن كيك رولي
شكلو كيبان معقد ولكن را ساهل بزآآآآآآاف
نتمنى من الله انو يعجبكم
فقط للاشارة انا شخصيا هاد الانواع ديال الكيك كنخدمها على 2 ايام باش ماتجينيش صعيبة يعني كنخدم الڭناش بوحدها و الكيك بوحدها فيوم تاني.

على بركة الله سنحتاج ل
ڭناش فريز
سبونج كيك
شكلاط دايب للتزين
ماكارون فهاد الرابط
فريز + بيسطاش
ناباج

ڭناش بالفريز



على بركة الله سنحتاج ل
270 ع شكلاط
300 مل فرومبواز او فريز مطحون و مصفي
1/4 م صغيرة جيلاتين مدوبة فمعلقة ماء بارد
45 غ سكر
60 غ زبدة مدوبة

منين تبدا تغلي نضيفو الجيلاتين
و نحركو مزيان حتى يذوب

نعمل هاد الخليط على الشكلاط و نخلطو مزيان حتى تتجانس العناصر ديالي

نضيف الزبدة و نخلطو 

نخليوها حتى تبرد عاد نعملوها على الكيك ديالنا


سپونج كيك



اذن على بركة الله سنحتاج ل
7 بيضات 
7 اصفر البيض
7 ابيض البيض
150 غ سكر
4 باكيات فاني
165 غ دقيق مغربل
60 غ سكر كلاصي مغربل

نطربو اصفر البيض و البيض الكامل مع لافاني و السكر

نستمرو فالتطراب تقريبا 8 حتي ل 10 دقيق 
حتى نحصلو على الريبون

نضيفو الدقيق المغربل بشوية بشوية

نطربو ابيض البيض

و نضيفو السكر كلاصي المغربل بشوية بشوية

نضيفو تلت ابيض البيض و نخلطو و نعاودو نضيفو التلت التاني تم التالت

نعمل العجين ديالي فلمقالي و ندخلهم للفرن

 ندكلوه لفران متوصط الحرارة 18 حتى 22 دقيقة او حتى تتبدا تتحمر لينا

 ندكلوه لفران متوصط الحرارة 18 حتى 22 دقيقة او حتى تتبدا تتحمر لينا

حتى تبرد الكيك 
نعملو عليها الڭناش ديالنا و مانسقوهاش لانها تتكون مندية ماتحتاجش اننا نسقيوها

نلويوها و ندخلوها للثلاجة واحد 30 دقيقة تقريبا

نسخنو الكناش دو  ديلنا و نعملوها على الكيك

ناخد الپلاستيك المقوى الخاص بالشكلاط و نعمل عليها طبقة ديال الشكلاط و نسرحو بهاد لبلاستيك الخاصة

الا ماكانتش عندنا ممكن نعملو حتى فورشيط و غادي تسرحو لينا مزيان

نلاقي الاطراف ب 2 و ندخلو للثلاجة يبرد

منين يبرد نكونو حذرين باش مايتهرسش لينا الشكلاط

ثم كناخد موس و نقسم الشكلاط بحذز انا كنت باغا 3 

ثم بموس رقيق كنحاول نعمل فتحات باش نعطيهم شكل مروحة

ها هو الشكل المطلوب

الكيك ديلي وجدات زوقتها بلماكارون و الشكلاط و لفريز و البيسطاش
نتمنى من الله انها تعجبكم و في امان الله