السلام عليكم و رحمة الله
نتمنى من الله تكونو جميع فاحسن الاحوال
هاد الوصفة ديال لخليع كنت شفتها فواحد الڤيديو فيوتيوب و كانت عباتني حيت مافيهاش الشحمة و ممكن نيبس اللحم فالفرن فقط
انا هنا خليت اللحم ييبس اليوم كامل فالفرن خليتو على نار قليلة جدا جدا و بالتالي طاب فمحتاجيتش اني نعملو فالكسكاس
نتمنى من الله انو يعجبكم خاصة للناس المغتربين
على بركة الله سنحتاج ل
كيلو و نص لحم
2 معالق كبار قزبور حبوب مطحون
2 معالق كبار كمون
ملح حسب الرغبة
8 دروس توم محكوك
3 معالق خل
2 معالق كبار زيت زتون
زيت زيتون كافية لتغطية اللحم
على بركة الله نخلط للحم بتوابل كلها
انا خليتو بات فالتلاجة ليلة كاملة
دخلتو لفرن على نار قليلة جدا تقريبا خدا لي اليوم كلو و كما اشرت سابقا ماحتاجيتش اني نطيبو مرة اخرى
هنا منين وجد
عملتو فقرعة و عمرتو بالزيت بلدية
عملتو فقرعة و عمرتو بالزيت بلدية
هنا عملتو مع البيض
نتمنى من الله انو يعجبكم و في امان الله
الله يعطيك الصحة اختي غزلان واش مجاش قاصح بهد الطريقة يعني واش جاك فتي ورطب
ردحذفلا يا حبيبة حيت خليتو على عافية مهيلة بزآآآآآآاف و منين عملتو فالزيت شربها مزيان و كيما شفت فالفيديو ممكن تخليه ينشف فالفران و تعاودي طيبيه فالكسكاس احبيبة
حذفانا هدا جا رطب اخيتي