السلام عليكم و رحمة الله
ايام مباركة للجميع و تقبل الله منا و منكم صالح الاعمال
نتمني من الله تكونو جميع بالف خير
وصفة اليوم انشاء هي ديال اللوز كتجي معلكة عملتها من كتاب نادية الجهري صفحة 38 التغيير لي عملت هو اني عملت مربى المشمش عوض الليمون
جات روعة
على بركة الله سنحتاج ل
500 غ لوز مصلوق و ناشف
250 غ سكر
قشرة برتقالة مبشورة
1 ملعقة كبيرة ماء زهر
اصفر بيضة
50 غ زبدة فحرارة المطبخ
قليل من المسكة الحرة مدقوقة او مطحونة
ابيض بيض للتفنيد
لوز مصلوق و مهرمش
على بركة الله نصلقو اللوز و نخليوه ينشف و نطحنوه مع السكر
نضيفو جميع المقآدير و نخلطو مزيان
انا دخلتها للتلاجة تقريبا ساعة عاد كورتها
نشعلو الفرن على حرارة اقل من المتوسطة
نعملو كويرات و نفندهم فابيض البيط تم فاللوز المهروشو نعملوهم فمقلة الفرن و نعملو فيهم ثقب فوسط الحلوى
ندخلوهم للفرن لمدة ما بين 10 حتى ل 12 دقيقة و ها هما واجدين
عمرتهم بمربى الفراولة
نتمنى من الله انهم يعجبوكم و في امان الله
ليست هناك تعليقات:
إرسال تعليق