اذن على بركة الله سنحتاج ل
150 غ دقيق اللوز هاهي الطريقة فالمشاركة رقم 20
150 سكر كلاصي
60 غ ابيض بيضة
بالنسبة للميرانك الايطالي
50 غ ابيض بيض
150 غ سكر
35 مل ماء
4 نقيطات عصير حامض
http://ghizlanesweets.blogspot.com/2011/01/tant-pour-tant.html
انا دائما كنصلق اللوز و نسفو و نعسخن الفران و ندخل ليه اللوز تقريبا واحد 3 حتى 4 دقايق ينشف
هنا كيما سفتو فالصور كنطحن اللوز و عاد نضيف عليه السكر كلاصي و نعاود نطحنو مرة اخرى
كنغربلو باش يكون شكل الماكارون ملس من لفوق لان الا ماتغربلش منين كيطيب الماكارون كتبان فيه الحبيبات ديال اللوز
نعملو السكر و الما على نار مهيلة ماشي مهيلة بزاف
و نخليوه يغلي و نحاولو مامكن باش السكر مايعملش لينا طبقة الكريسطال ديالو مرة مرة بداو تعملو شيتة لي كنسقيو بيها الحلوى فماء ساخن و ندوزوها على جناب الكاسرونة او المقلة
الا عندكم ميزان كعملوه فالسكر و الا وصل ل117 مئوية السكر وجد لينا
العملية كتاخد تقريبا10 ت 15 دقيقة
انا هنا ماعملتش الميرانك كلو
الصورة كتوضح ليكم كيفاش خاصو يكون
منين كنزل الدائرة فالاول كيبقى فيها واحد الراس و من بعد تقريبا دقيقة كتولي ملساء
ندخلها لفرن على درجة حرارة 325 فهرنهايت 162 مئوية لمدة 16 دقيقة
بعض المرات كنعملو على شكل دائري منين كنكون غادي نعمل الموس كنعوض الطبقة ديال الجنواز بالميرانك بحال لي عملت فهاد لا موس بالشكلاط
نتمنى من الله نكون توفقت فالشرح و اي استفسار انا رهن الاشارة
في امان الله
تبارك لله عليك احبيبة دائما متألقة ماشاء لله عليك وحتى الموس باين كيحمق ان شاء لله تنزلي لينا الطريقة ديالو انا طماعةخصني نتعلم كلشي ههههههههههه
ردحذفالله يبارك فيك و يسلمك ا حبيبة لهلا يخطيك
حذفان شاء الله نزلو ليك احبيبة كوني هانية قريب نزلو مع شكيلات اخرى ان شاء الله
روعة الله ارحم للي علمك
ردحذفبارك الله فيك
حذفsalam..tbarkallah 3lik Allah yjazik kol kheir
ردحذفwa alikom asslam khti fatima
حذفallh ybara fik w yslmk a khiti chokran bzaaaaaaaaaaaf
? 3afak ana mafhmtch hadak da9i9 louZ wash fih sucre déja?
ردحذف