الثلاثاء، 19 نوفمبر 2013

كيك راقي جدا للاعياد و المناسبات

 السلام عليكم و رحمة الله
نتمنى من الله تكونو جميع فاحسن الاحوال
هاد الكيك كنت عملتو فالعيد الصغير و هادي مدة و انا بغيت نزلو و اليوم عاد كتاب الحمد لله
انا هنا عملت الكيك المفضل عندي هو باللبن كيجي مداق رآآآئع و كذلك ماكنحتاجوش نسقيوه 
هنا عملت موس شوكولا بدون بيض و موس مانڭو و زوقتهم بورد بعجين اللوز و بالڭناش
على بركة الله سنحتاج ل
 كيك بالشكلاط و اللبن من هنا او اي كيك نتوما تفضلو
http://ghizlanesweets.blogspot.com/2012/09/blog-post_21.html
موس بالمانڭو
250 غ مانڭو
5 غ جيلاتين
200 مل كريم سائل
50 غ سكر
على بركة نطحن المانڭو و نعملو يسخن مع السكر و نحركو حتى يدوب السكر
نعملا الجيلاتين فقليل من الماء البارد 
نضيف الجيلاتين على المانڭو الساخن و نحركو حتى يدوب الجيلاتين
نخليوه يبرد تم نطربو الكريم و نضيفوه على المانڭو
ناخد الكيك و نزول الطرف الاول تقريبا 2 سنتم
ثم نخوي الكيك دون الوصول الى القعر
نعمر الكيك بموس الشوكول
ثم نعمل المانڭو فالوسط
نغطيها بما تبقى من موس الشوكولا
نغطيها بالطرف لي زولنا من قبل
نعمل الشوكولا ميراور
هنا خديت قليل من عجين اللوز و حرقتو بالتورش و كتبت فيه عيد سعيد بالشوكولا
عملت هاد الزواق بالڭناش دخلتها للتلاجة شوية عاد زوقت بها


زوقتها بالورد بعجين اللوز
نتمنى من الله انها تعجبكم و لا تنسونا من صالح دعائكم و في امان الله
مرسلة بواسطة في هناك تعليق واحد:

الأحد، 17 نوفمبر 2013

طريقة عمل ڭلاصاج ميراور بالالوان

السلام عليكم و رحمة الله
 نتمنى من الله تكونو جميع فاحسن الاحوال
وصفة اليوم كما وعدتكم سابقا هي طريقة عمل ڭلاصاج كيلمع بالشكلاط ابيض و ممكن ضيفو لو اي الوان تفضلو 
على بركة الله سنحتاج ل
 130 غ شكلاط ابيض
2 غ جيلاتين
85 غ كريم سائل
15 غ ڭليكوز او كورن سيراپ
اي ملون تفضلوه
ممكن ضيفو اي نكهة پسطاش او فريز او لوز المهم اي حاجة تفضلوها
 نعملو الجيلاتين فقليل من الماء البارد
نعملو الكريم يسخن على نار مهيلة و نضيفو الڭليكوز
ندوبو الشوكولا و نخليوها جانبا
 حينما يغلي الكريم نضيف الجيلاتين ثم نحتك حتى يدوب


 نضيفو النكهة لي بغينا مع الملون للحصول على اللون المطلوب
 هنا كنت باغاه لون وردي فاتح
هنا ضفت عليه تقريبا معلقة عجين البيسطاش مع ملون اخضر 


نحركو حتى تتجانس كل العناصر و نضيفوه على الكيك  

نتمنى من الله نكون فدتكم و لا تنسوني من صالح دعائكم و في امان الله
مرسلة بواسطة في هناك تعليق واحد:

السبت، 16 نوفمبر 2013

طريقة عمل كرات بالشوكولا

 السلام عليكم و رحمة الله
اليوم ان شاء بغيت نشارككم بهاد الطريقة الرآآآآآآائعة لعمل كرات من الشكولا بها ثقوب
و الطريقة ساهلة كيما كتشوفو فالصور
على بركة الله سنحتاج ل
شوكولا دايب
پلاستيك او سيليكون دائري
مقاطع دائرية صغيرة

 نعملو الشوكولا فالمقالي و نخليوهم ينشفو


ثم منين يوجدو نبداو نشكلو الدوائر باش يعطيو هاد المنظر 
نحاولو نعملوهم بشوية باش ما نهرسوش الشوكولا 
تم نزوقو بها بالشكل لي بغينا
نتمنى من الله ان الطريقة تعجبكم و في امان الله
مرسلة بواسطة في ليست هناك تعليقات:

كيك رولي بالكوك و الشوكولا



 السلام عليكم و رحمة الله
نتمنى من الله تكونو جميع فاحسن الاحوال يا ربي امين
هاد الكيك عملتها لبارح و جات زوينة بزآآآاف نتمنى من الله انها تعجبكم
على بركة الله سنحتاج ل


4 بيضات 100 غ سكر
60 غ دقيق مغربل
30 غ كوك رقيق انا كنطحنو
20 غ شكلاط غبرة انا كنعملو فالتلاجة تريبا ساعة باش منين نحكو ماكيدوبش بسرعة
20 غ زبدة دايبة 

بالنسبة للحشوة 
100 غ فرماج انا عملت فيلادلفيا
50 غ سكر
30 غ كوك
فاني
 نطربو البيض و السكر و الڤانيلا حتى يتضاعف الحجم تريبا 3 مرات

 نخلطو الدقيق و الكوك و الشوكولا
 نطربو البيض
 نضيف خليط الدقيق
 تم نضيفو الزبدة على شكل قطرات
 نعمل الخليط فالمقلة و ندخلوه لفرن متوسط الحرارة ما بين 12 حتى ل 14 دقيقة
 منين نخرجو الكيك من الفرن نخليوه يبرد و نطربو الكريم يبقى خفيف نسبيا 
 نخلي الكريم على جنب و نطرب الفرماج مع 50 غ سكر و نضيفو 30 غ كوك

 نبدا نضيف الكريم على الفرماج قليلا قليلا حتى نحصلو على كريم الكوك
 نبدا نضيف الكريم على الفرماج قليلا قليلا حتى نحصلو على كريم الكوك
 نسرح الكريم على الجنواز 
 نلوي الكيك و ندخلوها للتلاجة
 ندهنو الكيك بكريم شونتي و ندخلوها للتلاجة تبرد

عملت عليها شوكولا ميروار بالالوان ان شاء الله نزل الوصفة بعد قليل


 هنا دوبت الشوكولا و خليتها على الرخامة تبرد و بالموس بديت كنعمل هاد الاشكال لي زوقت بيهم الكيك
 بالنسبة لنصف الكرة لي عملت نزل طريقتها ايضا بعد قليل




نتمنى من الله انها تعجبكم و يكون مداق جديد بالنسبة لكم
لا تنسونا من صالح دعائكم و في امان الله
مرسلة بواسطة في ليست هناك تعليقات:
الاشتراك في: الرسائل (Atom)