كيك راقي جدا للاعياد و المناسبات

 السلام عليكم و رحمة الله

نتمنى من الله تكونو جميع فاحسن الاحوال

هاد الكيك كنت عملتو فالعيد الصغير و هادي مدة و انا بغيت نزلو و اليوم عاد كتاب الحمد لله

انا هنا عملت الكيك المفضل عندي هو باللبن كيجي مداق رآآآئع و كذلك ماكنحتاجوش نسقيوه 

هنا عملت موس شوكولا بدون بيض و موس مانڭو و زوقتهم بورد بعجين اللوز و بالڭناش

على بركة الله سنحتاج ل

 كيك بالشكلاط و اللبن من هنا او اي كيك نتوما تفضلو
http://ghizlanesweets.blogspot.com/2012/09/blog-post_21.html

موس شوكولا بدون بيض

http://ghizlanesweets.blogspot.com/2012/12/blog-post_8.html

ڭناش شوكولا من هنا
http://ghizlanesweets.blogspot.com/2012/06/ganache-de-lux.html

عجين اللوز من هنا
http://ghizlanesweets.blogspot.com/2013/02/blog-post_23.html
طريقة عمل الورد من هنا
http://ghizlanesweets.blogspot.com/2011/03/blog-post_16.html

موس بالمانڭو

250 غ مانڭو

5 غ جيلاتين

200 مل كريم سائل

50 غ سكر

على بركة نطحن المانڭو و نعملو يسخن مع السكر و نحركو حتى يدوب السكر

نعملا الجيلاتين فقليل من الماء البارد 

نضيف الجيلاتين على المانڭو الساخن و نحركو حتى يدوب الجيلاتين

نخليوه يبرد تم نطربو الكريم و نضيفوه على المانڭو

ناخد الكيك و نزول الطرف الاول تقريبا 2 سنتم

ثم نخوي الكيك دون الوصول الى القعر

نعمر الكيك بموس الشوكول

ثم نعمل المانڭو فالوسط

نغطيها بما تبقى من موس الشوكولا

نغطيها بالطرف لي زولنا من قبل

نعمل الشوكولا ميراور

هنا خديت قليل من عجين اللوز و حرقتو بالتورش و كتبت فيه عيد سعيد بالشوكولا

عملت هاد الزواق بالڭناش دخلتها للتلاجة شوية عاد زوقت بها

زوقتها بالورد بعجين اللوز
نتمنى من الله انها تعجبكم و لا تنسونا من صالح دعائكم و في امان الله