كيك بلمرينغ و الشكلاط

السلام عليكم و رحمة الله 

نتمنى من الله تكونو جميع فاحسن الاحوال

الكيك ديال اليوم ان شاء الله ساهل بزاف و شكلو زوين و الميزانية ديالو ماكتختلفش على اي

كيك غادي نعملوه بالزواق بالكريم و الشكلاط

اذن على بركة الله سنحتاج ل


مرينغ بالشكلاط

جنواز بالشكلاط

كريم كناش مطرب

اذن على بركة الله نبداو

لمرينغ بالشكلاط

على بركة الله سنحتاج ل

120 غ ابيض بيض تقريبا 2 بيضات كبار

180 غ سكر كلاصى

60 غ شكلاط غبرة بدون سكر

فان

نشعلو الفرن اقل من المتوسط 225 فهرنهايت 110 مئوية

اذن على بركة الله ناخد 60 غ من السكر و نضيف عليه الشكلاط غبرة و نغربلهم و

 نخليهم على جنب

نطرب ابيض البيض ي نبدا نضيف 120 غ سكر كلاصي بشوية بشوية نطربو حتي 

يعقد ولكن مايقصاحش لينا البيض كيما فالصورة

تم نضيفو السكر و الشكلاط غبرة و نطربو مزيان

نعملوه فكيس بلاستيكي الخاص بالحلوى و نبداو نعملو اصبع صغيرة بحال لي فالصورة 
ندخلوهم للفرن لمدة 2 سوايع

من بعد ساعة و ربع نخرجو وحدة نخليوها واحد 10 ديال التواني و نقسموها الا كانت ماشي مقرمشة نرجعوهم للفرن حتى تكمل الساعة التانية

ها هما منين وجدو

كيكونو مقرمشين


بالنسبة لجنواز بالشكلاط سنحتاج ل
8 بيضات
160 غ سكر انا كنستعمل نسبة سكر اقل لاني كنسقيها بلسيرو حلو 
140 دقيق
60 غ شكلاط غبرة بدون سكر
بالنسبة لكناش 
250 مل كريم سائل
250 غ شكلاط اسود 60 % كاكاو ( من الافضل)
و سنحتاج ايضا ل
شكلاط ذايب للتزين
ورق الشكلاط او ورق السلفيريزي
سكر كلاصي للتزيين

على بركة الله نغربلو الدقيق مع الشكلاط غبرة

نطربو البيض و السكر

اللون نسبيا مختلف الني غالبا كنستعمل السكر البني

نستمرو فالتطراب حتى يتضاعف الحجم ديال العجين 3 دلمرات

تم نضيفو الدقيق و الشكلاط المغربل و نخلطو بملعقة خشبية او بلاستيك و نحاولو مامكن مانهرسوش البيض

نعملو الخليط ديالنا فلمقلة و ندخلوه لفرن متوسط الحرارة تقريبا ما بين 12 حتى ل 15 دقيقة

خرجتو خليتو يبرد و فهاد الاثناء بديت كنحضر السيرو باش نسقي الجنواز و الكريم كناش
بالنسبة لسيرو كنعمل كاس من السكر فنص كاس ديال الماو كنضيف عليه العديد من النكهات غالبا باش تعطي طعم زوين بحال الفاني و الحامض و وريقات النعناع
نمرو الان للكريم كناش مطرب

كنعمل الكريم يغلي و نضيفو على الشكلاط و كنستمر فالتحراك حتى كيدوب الشكلاط و كيتعير اللون كيصبح اغمق 

 كنخليه حتى يبرد و كنطربو 

 كنقسم الكيك على 3
نسقي الجنواز
نعمل عليها الكريم و نكمل الطبقة التانية
تم الكريم

 نحط الطبقة التالتة و نعمل عليها الشكولا ميروار
http://ghizlanesweets.blogspot.com/2012/06/ganache-de-lux.html

نعمل المرينغ ديالي فوق من الشوكولا ميروار 
ندهن ما تبقى من الكريم على الجناب و نلصق عليه المرينغ
نرشها بسكر كلاصي و ندخلها لثلاجة تشد راسها

فهاد الاثناء نعمل الزواق ديال الشكلاط
ناخد بالستيك الخاص بالشكلاط
و نعمل عليه هاد الشكل العشوائي 
نلصق الطرفف لي من تحت بالصاق و نلويه كيما فالصورة و نلصق الطرف الاخير و ندخلو للثلاجة يبرد

ها هي الكيك منين وجدات و خرجتها من التلاجة عملت عليها الشكلاط و رشيتها مرة اخرى بالسكر كلاصي
نتمنى من الله انها تعجبكم و اي استفسار انا فلخدمة

في امان الله
و كل يوم و انتم الى الله اقرب