اذن على بركة الله سنحتاج ل
615 غ طحين
15 غ ملح
135 غ زبدة فحرارة المطبخ
450 غ زبدة باردة جدا
315 مل ماء بارد
بالنسبة للماء انا كنعملو فالكونجيلاتور تقريبا 30 دقيقة قبل مانبدا
نعملو جميع المقادير تعجن بالماء البارد
نشكلوها كورة و نلويوها فبلاستيك غدائي و ندخلوها للتهلاجة اقل حاجة ساعة او تبات ليلة كاملة
انا شخصيا كنخليها تبات فالثلاجة
فاليوم التالي كنبدا بالزبدة كيخصها تكون باردة جدا
كنعملها مابين 2 بالستيكات او نعملوها مابين 2 من ورق السلفيريزي و نبد نضربها بالمدلك بحال لي فالصورة
نحاولو نعملوها مستطيل قدر المستطاع
كناخد الكورة ديال العجين و نشكلها مستطيل بحال هكا
نطلقها بالمدلك الكورة خاصها تكون باردة جدا
نعمل المستطيل 30على 46 سم
نطوي ورقة الزبدة على 2 بحال هكا
و نعملوها على التلت الاول من العجين
نطويها على التلت التاني
تم التالت
نضغط على الجناب مزيان باش ماتخرجش لي الزبدة
خاصنا نتاكدو ان العجين باقي بارد الا حسيتو بالعجين بدا كيسخن دخلوه للتلاجة حتى يبرد
كنبدا بالمدلك نطلق العجين كنعمل فيه ضربات بالمدلك بحال لي كتشوفو فالصورة باش نحاول مامكن مانخليش الزبدة تخرج لي
كنطلق العجين 25 على 60 سم
دائما كنرشو الطابلة بالطحين و منين كنطويو العجين كحاولو ما امكن نزولو بقايا الدقيق
نطويه على 3 و نعملو فبلاستيك غدائي ندخلو للتلاجة يبرد لمدة ساعة
و نطلقو مرة اخرى 25 على 60 سم
نطويه مرة اخرى و نعاود نفس العملية 5 ديال المرات و كل مرة كندخل العجين للتلاجة 30 دقيقة
هدا هو العجين منين ساليتو دخلتو للتلاجة يبات
نتلاقاو مع التتمة ان شاء الله
tbark llah 3lik
ردحذفllahi 3tik ssahha
allah ybarak fik w ysslmk w lhla ykhtik
ردحذفأعجبتني مدونتك كثيرا تحتاج قليييلا من الترتيب..ووصفاتك جميلة جدا وشهية (سعدات ولادك و راجلك بيك هههه مبرعاهم) أنا أصبحت من متابعينك وأحاول تحضير بعض الوصفات..شكرا على مشاركتك لنا بإبداعاتك وأتمنى لكي المزيد من التوفيق
ردحذفبارك الله فيك و الله يجازيك بكل خير
حذفلدي مشكل في العربية لهذا المدونة تبدو بهذا الشكل
حاولت اصلاحها قدر المستطاع ولكن دون جدوى
شكرا جزيلا لك و بارك الله فيك