السلام عليكم و رحمة الله
اليوم ان شاء الله موعدنا مع الجزء التاني من كيفية عمل كيكات الافراح
نتمنى من الله اني نكون موفقة و نشرح ليكم مزيان اي استفسار ان شاء الله انا رهن الاشارة
الجزء الاول هنا
http://ghizlanesweets.blogspot.com/2012/01/blog-post_17.html
بالنسبة لاوراق الورد خديت قليل من الباستياج طلقتو و خديت هاد المقطع و بديت كنقطع وريقاتخليتهم ينشفو
خديت البريون فالاخضر و بديت كنصبغ بيه الاوراق بحال هاكا
بالنسبة للكيك عملت كيكة و نصفيعني 2 كيكات و قسمتهم على 2 و بالتالي قدرت نعمل 3 ديال الطبقات فكل كيك
هنا عبرت العلو ديال الكيك ب سنتم
قسمتو بطريقة متساوية
عملت الكريم فجيب الحلواني و عملتو على جنبات الكيك
ثم عملت الكريم الخاص بالحشوة و هو عبارة عن كريم فريش مع المانچا
عمرت به وسط الكيكفلطبقة الاولى و التانية
التالتة غطيتها كلها بالكريم و دخلتها للثلاجة تبرد
و عملت نفس الشيء مع باقي الكيكات
رشيت المكان لي عجنت فيه مزيان بخليط ديال السكر كلاصي و مايزينا
طلقت البستيج ديالي و عبرت بالمتر الكيك شحال فيها و كذلك الباستياج باش مانحطوش على الكيك و نلقاه صغير 
عملت العجين ديال السكر ديالي على الكيكبعض الاحيان كنخدم على هاد البلاستيك الخاصة باش كتكون ساهلة بالنسبة لي فالخدمة
دائما كنرش العجين من فوق بالدقيق و مايزينا 
ثم بهاد البلاستيك عاملة بحال الملاسة كنحاول برفق نضغط على الكيك باش اي عيب موجود كنحاول نزولو
بعض المرات كيدخل الهوا و كيكون بعض الفقاعات فقط بابرة رقيقة كنعمل ثقوب و كنخرج الهواء منها 
بالنسبة لهاد الكيك و ترتيبها رقم 2بالنسبة لكيك عبرت الطول ديال الكيك و طلعت ببضع سنتم
ثم بعود السنان بديت نرشم هاد الطريقة هكا
بكيس ديال الحلوى درت فيه راس مدور صغير او رقم 5 بديت كندير نقط بحال هاكا
ثم براس اخر اصغر او رقم 2 بديت كندير هاد الخطوط العشوائية نسبيا 
ها هي الكيك منين ساليتها
منين نشف الكريم رويال عملت عليه الغبرة باللون الدهبي
بالنسبة لهاد الكيك و ترتيبها رقم 3
بالنسبة للكيك التالتة زوقتها كلها بهاد الشكل و عملت الورد متوسط 
بالنسبة للكيك الكبيرة انا هنا هادك الطرف لي تنينا 
ثم الوردة و الورق الاخضر
الكيك الاولى هنا زوقتها كلها بحال هاكا و ستعملت تقريبا 10 قطع من البلاستيك خاص لهاد الغرض ممكن تستعملو حتى اعواد
الغرض من هاد العملية هو انهم يقدرو يتحملو ثقل 3 ديال الكيكات اخرين فوق منها
ان شاء الله نوضح هاد التقنية اكثر فحلويات قادمة لان هنا للاسف مشاو لي العديد من الصور
حطيت الكيك التانية درت فيها 7 ديال القطع ديال الپلاستيك
الكيك التالتة مادرت فيها والو لني غادي نحط فيها الاعمدة 
حطيت الطبق المذهب بحال هاكا و رشمت بيه موضع الاعمدة
نزلت الاعمدة بالشكل لي كتشوفوه
نزلت الطبقة الصغرى فالكيك
ثم نزلت مجسم العروسان
موعدنا ان شاء الله غدا مع الكيك حت ذلك الحين استودعكم الله
في امان الله
اللهم رضاك و الجنة
ليست هناك تعليقات:
إرسال تعليق