الثلاثاء، 17 يناير، 2012

كيك للاعراس و الافراح خطوة خطوة الجزء الاول



السلام عليكم ورحمة الله تعالى وبركاته


ان شاء الله غادي نزل ليكم كيفية عملكيكات الافراح و الاعراس و غادي تشوفو معايا انها ساهلة و ماشي صعيبة اذن على بركة الله نبداو مع الاشياء لي سنحتاجها ان شاء الله
فهاد الجزء غادي نزل ليكم طريقة الورد و كل الاشياء لي عملت بيها الديكور
و الجزء التاني نخصصو لكيفية لمونطاج لي عملت
و الجزء التالت ان شاء الله نخصصو للكيك لي عملت

باستياج او عجينة السكر
فهاد الرابط

http://ghizlanesweets.blogspot.com/2012/01/pastillage.html




الورد هنا انحتاجو ل هاد الطوابع هما على هاد الشكل انحتاجو للكبير و المتوسط
انا هنا صورت ليكم المراحل ديال الوردة المتوسطة لان درت كبار و متوسطين
اذن على بركة الله نحتاجو ل هاد الطابع و اعواد ديال السنان و طبعا اللصاق لي كنوجودوه ب شوية ديال الما و شوية ديال الباستياج نخليوه واحد 2 سوايع و ها هو اللصاق واجد
انا هنا كنخدم على هاد 2 بونجات هما مهمين بزآآف وحدة رقيقة و الاخرى تقريبا العلو ديالها وحد 3 ديال سنتم
و عندي هاد الاداة هادي هي ديال البلاستيك الراس فيها مدور و فالاخير معوج الراس ان شاء الله نوريكم لاش كنستعلوهم
و غادي نحتاجو لهاد لشيتة بش نستعملو اللصاق


كناخدو قطعة كنحسبو علو الكيك و كنقطعو تقريبا نفس الطول و العرض

كنشكلو بحال هكا


اذن على بركة الله كناخدو شوية ديال الباستياج كنكورو بحال هاكا ثم كنبدا نشكلو اجاصة صغيورة

كناخد عود اسنان كندخلو فالاجاصة بحال هاكا
ثم كنعملوه ينشف على كرطونة بحال هكا






منين كتنشف مزيان كناخدو شوية ديال البستياج و كنطلقوه بالمدلك ثم بالطابع كنقطع هاد لقطع بحال هاكا فكل وردة كنحتاجو 3 ديال القطع






كناخدو القطعة الاولى وكنحطوها على البونجا لرقيقة وكنبداو من الجناب
كنكملو جميع الورقات







ثم كنحطوها فوق البونجا لي غليظة و كنضغطو من لوسط بحال هاكا

كناخدو لعود لي صوبنا فيه الاجاصة و كناخدو ا
الوردة وكندهن الوسط ديالها باللصاق وكندخل العود بحال هاكا


كندهن الجناب ديال الورقة ديال الوردة بحال هاكا و كنلصقها فالقلب لي درنا بحال الاجاص


ثم الثانية

الثالثة

الرابعة


و الخامسة
كنحاولو نتنيو بشوية الورق باش تبان طبيعية
ثم كنخليوها تنشف و عاد نعاو العملية مع الوردة التانية
كنلصقو الورقة الاولي منين سالينا الورقة الاخيرة

ثم التانية







التالتة
و نخليوها تنشف و كتولي عندنا وردة بحال هاكا
منين نشف لي الورد هنا





خديت هاد لالوان



ثم مني كننهيو عملية الصبغ هنا انا خديت البريون فالاصفر و تا هو دوزتو بنفس الطريقة فوق من الوردة لي سبق و صبغت و ها هي الوردة وجدات الحمد لله




كنقطعو 2 ديال لقطع يكونو متساويين

كندهنوالجناب ديلهم ب اللصق
وكنلصقوهم بحال هاكا
و فجناب كنديرو شوية ديال كلينكس او اي ورق كاين ديال المطبخ و كندخلوه فيهم باش ينشف يعطينا بابيون بحال هاكا


كناخدو قطعةاصغر ديال الباستياج و كنجيب دوك 2 ديال البابيونات بحال هاكا
و كندهن القطعة باللصاق و كنلويها على الوسط بحال هاكا


ها هو البابيون واجد كنخليوه حتى ينشف مزيان وعاد كنزولو الكلينكس


كناخدو قطعة ديال الباستياج وتقريبا كتكون 15 على 12 سنتم




و كنبداو نتنيو بحال هاكا

و كنجمعو الجناب بحال هاكا





حتى كيولي عندنا هاد الشكل

الطريقة التانية

كناخدوشوية ديال البستياج كنعملوه حريبلات صغار بحال هاكا و كنقطعوهم متساويين
و كنجمعو الجناب بحال هاكا
و ها هما واجدين


اذن نتلاقاو باذن الله فالجزء التاني
لكم مني اجمل تحية و في امان الله





هناك 4 تعليقات:

  1. ana nomidiya lalamolati tbarkallah 3likkkkk hbiba dyaliii fennnnaa llah yzajik bkol lkher hadi mafhamtch ahbiba maanaha و فجناب كنديرو شوية ديال كلينكس او اي ورق كاين ديال المطبخ و كندخلوه فيهم باش ينشف يعطينا بابيون بحال هاكا

    ردحذف
  2. الله يعطيك الصحة للا غزلان و الله يجازيك خير الجزاء على وصفاتك، نفعتينا بزاف

    ردحذف
    الردود
    1. الله يبارك فيك و يسلمك اخيتي والله يبارك فيك و شكراجزيلا لدعواتك

      حذف
  3. واخيرا لقيتها الله يجازيك بكل خير ختي غزﻻن .عندي بزاف اسئلة منهم زاش دوك ملوناتةديال غبرة وﻻ عاديين مقدر اون بيهم؟وﻻ هادو سبيسيال؟

    ردحذف