الخميس، 19 يناير، 2012

كيك الافراح و المناسبات الجزء الثالث




السلام عليك و رحمة الله
الجزء الاول و التاني

http://ghizlanesweets.blogspot.com/2012/01/blog-post_18.html

http://ghizlanesweets.blogspot.com/2012/01/blog-

post_17.html
اليوم موعدنا مع الجزء التالت ان شاأ لله

اليوم بغيت نزل ليكم اطريقة ديال الكيك
بالنسبة للكيك هي بالشكلاط الابيض و الفانيلا
بالنسبة لهاد المقادير هي ل 2 مقلة ديال 24 سم
الا بغيتو ديرو مقلة وحدة اخواتي قسموالمقادير على 2
450 غ شكلاط ابيض
520 غ طحين
م ك خميرة دالحلوى +م ص
م ص ملح
225 زبدة فحرارة المطبخ
300 غ سكر
فاني
4 د البيضات كبار
360 مل حليب
بالنسبة لهاد المقادير هي ل 2 مقلة ديال 24 سم






كندوبو لشكلاط الابيض فبان ماري ونخليوه يبرد


نغربلو الطحين و الخميرة و الملح و نخليوهم جانبا



نخدمو الزبدة تقريبا 2حتى ل 3 دقائق

ثم نزيدو السكر حتى كتولي عندنا كريمة خفيفة نزيدو الفاني
و نبداو نضيفو البيض واحدة بوحدة وكل مرة نضيفو بيضة كنخلطو مزيان


ثم نضيفو الشكلاط الابيض و نخلطو حتى كيولي عندنا خليط متجانس

ثم نبداو نضيفو الخليط ديال الطحين و الخميرة و الملح مع الحليب يعني نضيفو شوة دالطحين و شوية حليب و حنا كنخلطو

نديرو اخليط فالمقالي ديالنا و ندخلوهم للفرن متوسط الحرارة 350 درجة يكون سخون من قبل كتبقى من 40 حتى ل 50 د

ها هما منين خرجو


طربت الكريم و زدت عليه المانچو
و عمرت به الكيك




ان شاء الله تكون الطريقة واضحة و الا حتاجيتو اي استفسار انا رحن الاشارة
لنا لقاء تاني ان شاء مع كيك اخر مرة اخرى
حتى ذلك الحين استودعكم الله
في امان الله

ليست هناك تعليقات:

إرسال تعليق