السبت، 21 يناير، 2012

piece montee صغيورة بالمراحل 2



السلام عليكم و رحمة الله
ان شاء الله هادا الجزء التاني من صغيورة بالمراحل
الجزء الاول فهاد الرابط



http://ghizlanesweets.blogspot.com/2012/01/piece-montee.html



بالنسبة للكيك عملت الجنواز
عملت مقلة ديال 22 سم و اخرى ديال 15 سم
بالبسبة للكيك انا عملت 2 كيكات فكل مقلة لاني كنت باغاها عالية




بعد ما عمرت الكيك و دهنتها بلكريم بالشكلاط دخلتها للثلاجة تبرد و بديت كنحضر عجين السكر
http://ghizlanesweets.blogspot.com/2012/01/pastillage.html




كنعجنو تقريبا من 10 حتى ل 15 دقيقة


كنعملو كورة


ثم كنطلقو بالمدلك الحجم لي يغطي لي الكيك




كنزلو على الكيك


تم كنحاول نقاد جنبات الكيك
كنقطع الاشياء لي زايدة بحال لي فالصورة

كنقطع الاشياء لي زايدة بحال لي فالصورة
كنعمل نفس الشيء مع الكيك الصغيرة


كناخد هاد الاعواد و لي كتباع عند المحلات الخاصة بالحلويات


كندخل عود فقلب الكيك الكبيرة و كنزلو حتى اسفل الكيك و كنعلمو بقلم بحال لي فالصورة



ثم كنخرجو و نقطع حد القلم لي علمنا و نقضع قطع اخرى تقريبا 4 او 5

تم كندخلهم فالكيك

تم كندخلهم فالكيك

كناخد الكيك الصغيرة و نعملها فوق من الكبيرة و الكيك لازم تكون منزلة على ورق الكيك او الكرتون الخاص بالكيك

كناخد عود نخليه طويل و نجرو بحال لي فالصورة



و ندخلو فقلب الكيك الصغيرة و نزلو الى اسفل الكيك الكبيرة




كناخد قلقل من البتياج و نعمل فيه اللون لي بغيت و نعملو مبروم بحال لي فالصورة


لصقت الحبل بقليل من الماء فجنبات الكيك

عملت وردات صغار بهاد المقطع


و دائما كنعمل قليل من الماء و كنحط الوردة ثم كنعمل عليها عقيق من السكر و دائما قليل من الماء
ها هي الكيك منين وجدات


ها هو شكلها النهائي نتمنى من الله انها تعجبكم و اي استفسار انا دائما فالخدمة
حتى لقاء اخر باذن الله
في امان الله

هناك تعليقان (2):

  1. تبارك الله عليك والله حتى بقيت حالا فمي الله يعطيك الصحة استفساري علاش عملية القلم والتقابي اللي درتي في لكيكة ؟؟

    ردحذف
  2. الله يبارك فيك
    بالنسبة لقلم كيف باين فالصور غير كنعلم الموضع لي غادي نقطع
    و بالنسبة للاعواد هما لي كيهزو التقل ديال الكيك لان الا حطيناه مباشرة غادي تطيح و نخسرو الكيكات كلهم
    نتمنى نكون فدتك
    شكرا جزيلا لك

    ردحذف