كروكيت بالدجاج بالبطاطا

السلام عليكم و رحمة الله و بركاته

اذن على بركة الله سنحتاج ل

صدر الدجاج او بيبي مقطع صغير
ابزار ملح
م ك زيت بلدية
م ك عصير لحامض

نخلطو صدر ديال لدجاج مزيان و نخليوه على جنب واحد الساعة

نحطوه على نار متوسطة و نقليوه مزيان
و نخليوه على جنب

نمرو للمرحلة لتانية
غادي نحتاجو ل
شابليور

شوية داللوز محمر و مطحون (اختياري)
3 م ك معدنوس
توابل الشاورما
2 بطاطات مصلوقين و ممعوكين
بيضة
زيت للقلي

اذن كنضيفو جميع المقادير باستثناء الشابليور


و نخلطو مزيان


نعملو كويرات و نحطوهم فزيت سخونة حتى يتحمرو

وتفضلوهم بالصحة و الراحة

حلوة بالكوكو و الفستق

السلام عليكم و رحمة الله
الحليوة ديال اليوم ان شاء الله ساهلة و كتجي لذيذة بزااااااف



15o غ كوكو
100 غ بيسطاش
نستلي باش نجمعو لخليط
نوازيت محمر و مقشر
شكلاط دايب
الوان لامعة اختياري

نطحنو اللوز و البيسطاش و كوكو
نزيدو نستلي بشوية حتى يتجمع لينا الخليط

نعملوه كويرات

و نعملو نوازيتا فالوسط


نكملو الكويرات ديالنا

نغطسوهم فالشكلاط

نخليوهم فالتلاجة يبردو

نعملو عليهم الغبرة اللامعة الا بغينا و هاهما واجدين بالصحة و الراحة

لا تنسونا من صالح دعائكم
في امان الله

حلوة باللوز و البندق

السلام عليكم و رحمة الله
الحليوة ديال اليوم ان شاء الله ساهلة و كتجي لذيذة بزااااااف






اذن على بركة الله سنحتاج ل
150 g سكر
150 g طحين
150 g زبدة فحرارة المطبخ
75g لوز مطحون
75g نوازيت او كركاع
نوتيلا للحشوة

نسخنو الفرن على حرارة متوسطة
نطحنو اللوز و النوازيت

نعملو اللوزو النوازيت المطحون و الزبدة و الطحين فزلافة و نجمعو الخليط مزيان

نعملو كويرات صغار نحطوهم فاللاطة دالفران متباعدين

ندخلوهم للفرن 25 ت 30 دقيقة
نخرجوهم من الفران و نخليوهم يبردو
نلصقو كل 2 بنوتيلا و ها هما واجدين
لا تنسونا من صالح دعائكم
في امان الله

الضلعة محمرة بالطريقة المغربية

اذن على بركة الله سنحتاج ل
ضلعة غنمية
تومة محكوكة
كمون
سكينجبير
ابزار
ملح
زعفران حر
خرقوم بلدي
زيت بلدية

نخلطو جميع العناصر مزيان



ندهنو الضلعة بهاد التخليطة

لويتها فپاپيي المينيوم و خليتها تقريبا 4 دسوايع

دخلتها للفران حتى طابت على خاطرهاو ها هي وجدات

نتمنى من الله انها تعجبكم و في امان الله

كريم موسلين

اذن على بركة الله لتحضير كريم موسلين
سنحتاج ل
500 مل حليب
4 اصفر البيض
عود ڤاني او روح الڤاني
175 غ سكر
70غ طحين
125 غ زبدة





نعملو لحليب يغلي على نار متوسطة

كناخدو عود الڤاني و نحلوه و ناخدو الحبيبات لي فيه نعملوهم فالحليب

نطربو اصفر البيض و سنيدة شوية
نضيفو الطحين و حنا كنخلطو

كنعملو الخليط ديال الطحين و البيض و السكر على الحليب الغليان و نقصي من العافية و نستمرو فلاتحراك

حتى نحصلو على كريم عاقد بحال هاكا كنطفيو البوطا و كنضيفو الزبدة

كنغطيوه بپلاستيك و نخليوه على جنب يبرد
الى حين استعماله