وريدات معمرين بالكفتة

اليوم ان شاء الله ساقدم لكم شكيل ديال الورقة او الفيلو معمرة بالكفتة او اي حشوة تفضلوها


بالنسبة للحشوةالمستعملة هنا هي الكفتة بالبهارات لي نتوما تتفضلوها
اذن على بركة الله سنحتاج ل
ورقة البسطيلة او الفيلو
حشوة جاهزة
مربع للقطع
جبن موتزريلا اواي جبنة تفضلوها
مقلة للكاب كيك صغيرة









اذن ناخدو 4 ورقات فيلو و نقطعوهم بالمربع


و نخالفو2 اوراق بحال لي فالصورة

ثم نعملوهم فقلب المقلات الصغار الخاصين بالكاب كيك

ثم ندخلوهم لفرن متوسط الحرارة لمدة 15 دقيقة او حتى يتحمرو

نخرجهم من الفرن نعملو عليهم الحشوة

و نضيفو الموتزاريلا وندخلوهم للفرن لمدة 5 دقائق اخرى
و ها هما جاهزين نتمنى من الله يعجبوكم وفي امان الله

شوصون بالتفاح

هاد الشوصون بالتفاح كيجيو لذاذ وساهلين حيت كيوجدو بسرعة نخليكم مع المقادير





عجين مورق
2 تفاحات مقطعين
25 غ زبدة
3 م ك سنيدة او حسب اختياركم
شوية د القرفة
فاني
عصير حامضة





اذن على بركة الله ناخدو مقلة نديرو فيها جميع العناصر



نخليوها فوق البوطة على نار مهيلة حتى تبدا تغلي نشوفو التفاح بدا كيتعسل



نزولو المقلة من على العافية و نصفيو التفاح ديالنا من لا صوص لي غلى فيها

نخليوه يبرد
نوجدو العجين المورق نديرو فيه القليل من الحشوة


و نضغطو على الجنباب بشوكة
ندخلوهم للفرن حتى يطيبو




apricot glaze

منين يخرجومن الفرن ندهنوهم بالناباج apricot glaze و ندير عليهم سكربودرة

نتمنى يعجبوكم

طارط بالفواكه

اليوم بغيت نشارككم بها لا طارط لي هي بالا باط فيوتي و الكريم باتسيير و الفواكه
اذن على بركة الله نبداو انا جبت لا باط فيوتي جاهزة
لا باط فيوتي
الكريم باتسيير
اي فواكه من اختياركم
2 معالق كونفتير

اذن على بركة الله كنطلقو العجين

كنقطعو 1 cm تقريبا من الجناب كلهم
كنحطهم فوق العجين



كنتقلها بمقلة
فقط فالوسط مانوصلهاش للجناب
ندخلها للفران حتى طيب مزيان

فهاد الاثناء نوجد لا كريم باتسيير

كنعمل 1/2 ليترحليب على نار متوسطة



و نطرب 4اصفرالبيض مع 100 غ سكر او على حسب الذوق و نزيدو فيه روح الفاني نطربو ثم نزيدو 3 م د مايزينة


هادالخليط على الحليب ليى يكون سخوووون و نقصو العافية نخليوها مهيلة بزاف

نستمرو فالتحراك حتى يتقال
نطفيو عليه و نغطيوه ببلاسيتيك غدائي و نخليوه يبرد

منين يبرد ناخدو الطارط
نديرو عليها لا كريم
ثم نديروالفواكه المتواجدة عندنا

ثم ندهنهم بالناباج اوب 2 م دالكونفتير نغليهم و ندهن بيهم الفواكه

انا هنا رشيتهم بشوية ديال اللوز محمر
ها هي بالصحة و الراحة
نتمنى من الله تعجبوكم وبالصحة و الراحة و في امان الله