الثلاثاء، 31 مايو 2011

كيك ب لاموس ديال الفريز الفراولة



السلام عليكم و رحمة الله تعالى و بركاته
ان شاء الله تكونو جميع فاحسن الاحوال يا ربي امين










اليوم على بركة الله غادي نقدم ليكم كيك معمرة ب لاموس ديال الفريز
اذن على بركة الله غادي نحتاجو ل
كيك انا هنا استعملت الجنواز
بالنسبة ل لاموس
250 غ فريز
350 ml كريم سائل
10غ جيلاتين دايب ف 3 دالمعالق ك ما بارد
150 غ سكر


للتزيين
شكلاط ابيض و اسود دايب
نص كاس كريم فريش
2 م سكر
اي فاكهة تفضلوها
اذن على بركة الله





ناخدو الكيك نزولو ليها 1 سم من الفوق و نحتفظو به جانبا




نزولو ليها القلب ديالها


اذن على بركة الله ناخدو الفريز نطحنوه انا كان عندي فالمجمد

نعملوه عى نار خفيفة حتى يبدا يغلي

نزولوه من على العافية و نديرو عليه الجيلاتين



نحركوه حتى يذوب

نطربو الكريم فريش
نتسناو حتى يبرد الفريز و عاد نضيفو الكريم


و نحركو مزيان

ناخدو 2 م شكلاط ندهنو بها قعر الكيك
انا قمت بهاد العملية لاني بالغلط نقصت كمية الطحين فالكيك فاذا كانت الكيك فيها كثافة كتيرة لاداعي للقيام بها




ثم نعملو لاموس ديالنا

ناخدو الغطا ديال الكيك و نعاودو نرجعوه ليها
ندخلوها للتلاجة حتى تبرد لا موس على الاقل 2 سوايع




ندهنوها بالكريم

ناخدو ورق السلفيرزي نقطعوه على حساب المول ديالناو نعملو م شكلاط ابيض و م شكلاط اسودو نلصقوه على الكيك
و ندخلوه للثلاجة



ثم بعدما يبرد نزولو ورق السلفيريزي
ونعملو الفواكه ديالنا و نزوقوها كيف مابغينا





نتمنى من الله سبحانه و تعالى انها تعجبكم و في امان الله



هناك 4 تعليقات: