الجمعة، 15 يونيو، 2012

بريوة بطريقة لطيفة بناني سميرس


السلام عليكم و رحمة الله و بركاته
اليوم بغيت نشارككم بهاد البريوة لي هي من الحلويات الرئيسية فالمائدة المغربية فشهر رمضان الكريم
اللهم بلغنا اياه و الله يتقبل منا و منكم صالح الاعمال يا ربي امين
على بركة الله سنحتاج ل



500 غ لوز
1 م ص قرفة
350 غ سكر كلاصي (انا كندير فقط 200 غ)
4 دالبيضات مطربين
ورقة البسطيلة
زيت لقلي اللوز
ربع م ص مسكة حرة مدقوقة
ربع كاس ماء زهر
زيت لقلي البريوة
لعسل

 كنسلقو اللوز و نقشروه و نشفوه ثم نقليوه فزيت سخونة 
 منين يبرد نطحنوه 

 نضيفو عليه السكر كلاصي و القرفة

 كناخدو تقريبا كاس الا ربع دالزيت لي قلينا فيها اللوز ونديروها فطاوة على نار مهيل تغلي و نضيفو عاد اللوز
 و نخلطو حتى يتجمع لينا اللوز

 نضيفو البيض على مراحل و كل مرة نضيفو البيض نخلطو بسرعة باش مايطيبش البيض
 هنا منين ساليت لبيض
 كنضيف ما زهر

 و نستمر فالتخلاط و دائما على نار مهيلة

 حتى تجمع لينا الخليط
كنطفي لبوطا و عاد كنضيف المسكة الحرة باش ماتقسحش لي البريوا


منين بردات عملتها كويرات
كناخد الورقة كندهنها بشوية دالزيت و الجناب كندهنهم بالبيض




ثم كنبدا نطوي البريوا بالشكل المعتاد غير نتبهو مع الجناب ائما نسدوهم مزيان باش ماتخرجش لينا العقدة منين نكونو كنقليوها
تم كنجي لهاد الطرف لي كيبقى كندهنو بالبيض 
و كندخلو لداخل لبريوا بحال لي فالصورة
هنا منين ساليتهم
درت الزيت تسخن مزيان و رميت فيها لبريوا
و فنفس الوقت درت العسل كيسخن و نقصت عليه البوطا
منين خداو اللون الدهبي زولتهم من الزيت و رميتهم فالعسل
ثم من بعد عملتهم يتصفاو




ها هما منين وجدو زوقتهم بلزنجلان و الباقي عملتو فطاسة بلاستيك و سديتها مزيان و عملتها فالكونجيلاتور

هناك 10 تعليقات:

  1. allah yaatik saha o tbarekllah alik jaw chahwa mnhom

    ردحذف
  2. الله يعطيك صحيحتك ختي غزلان..جاو فنين والمداق اكييييد راائع

    ردحذف
  3. LAH Y3TIK SA7A JAW KAY7AM9O

    ردحذف
  4. makikhasroche ila bkaw fi konjirator

    ردحذف
    الردود
    1. LA MAKYKHSROCH KHLIHOM HTA YBRDO 3AD DIREIHOM FPLASTIC W DIRIHOM F BOITA W KHLIHOM RAH KAYBQAW MODA TWILA MQRMCHIN W ZWININ

      حذف
  5. wache katklihome OLA LA KATKHALIHOM BLA KALYANE OKADIRIHOM FI LMOJAMID

    ردحذف
    الردود
    1. KANQLIHOM W N3SSALHOM 3AD KANDIRHOM F CONJELATEUR

      حذف