la pate feuilletee معمرة بالكروفيت

على بركة الله سنحتاج ل

3 بصلات صغار مشلضين
5 دالمعالق ك قزبور
شوية زعفران شعرة
ملح ابزار سكينجبير توابل الشوارما
زيت بلدية و م ك عصير حامض
لاباط فيوتي
نص كيلو كرفيت

نقليو جميع العناصر باستثناء الكروفيت
نديرو الزيت تسخن و نرميو فيها الكروفيت
نضيفو عليه شوية د الابزار و ليقامة دالشاورما





ناخدو لا باط فيوتي و نقسموها مربعات و ناخدو كل مربع نشرطوه بموس تقريبا واحد سنتم

نتقبها بالفورشيط

نعمر الاطار الداخلي ب الحشوة و نحط فوق منها الكروفيت

ندخلهم للفران سخون و يطيبو على راحتهم




منين يطيبو ندير عليهم الفرماج و نردهم لفران مرة اخرى واحد 5 دقايق

ها هما منين وجدو بالصحة و الراحة

تارت بلكريم بالتسيير ديال الفريز اكثر من رائعة

على بركة الله سنحتاج ل la pate sucree
كريم باتيسيير
نص كاس فريز مطحون
فواكه حمراء للتزيين
بالنسبة لباط سكري
200 غ طحين
100 غ زبدة مقطعة مكعبات فحرارة المطبخ
40 غ سكر
اصفر 2 بيضات
فاني
نغربلو الطحين ونضيفو عليه الزبدة حتى يترمل ثم نضيفو السكر
نضيفو اصفر البيض
و نستمرو فالعجن حتى تجمع لينا العجينة(فبعض الاحيان الا كان الدقيق كيشرب و ماتجمعاتش لينا العجينة نضيفو ليها فقط قليل من الزبدة حتى تجمع) نعملوها كورة و نديروها فبلاستيك غدائي و ندخلوها للتلاجة ترتاح لمدة 30 دقيقة







الكريم باتسيير
نص ليتر حليب
فاني
اصفر 5 دالبيضات
125 غ سكر
25 غ طحين
25 غ مايزينا
نعملو الحليب يسخن على نار متوسطة حتى يغلي لحليب و نقصو العافية الى اقصى درجة
نطربو اصفر البيض والسكر و الفاني حتى يتغير لون الخليط و يصبح اصفر باهت
ثم نضيفو الطحين و مايزينا و نخلطو مزيان
نضيفو الخليط على الحليب ثم ( على نار مهيلة دائما ) نستمرو فالتحراك
حتى يتقال الخليط و يصبح كريم
نضيفو الفريز المطحون على الكريم باتسير


و نخلطو مزيان





و نغطيوه ببلاستيك غدائي و نخليوه حتى يبرد






نعملو العجينة فامقلاة ديال طارط نتقبوها بالفورشيط و ندخلوها لفرن متوسط الحرارة حى تطيب مابين 20 تال 25 دقيقة




منين طيب لا طارط نخليوها حتى تبرد نعملو عليها الكريم


نزوقوها بالفواكه


ندهنوهم بالناباج ندخلوها للتلاجة تبرد

la pate feuilletee بالعقدة داللوز والكريم باتسيير

على بركة الله سنحتاج ل
لا پاط فيوتي مربعات
كريم پاتسيير
عقدة داللوز
مشماش او خوخ معلب انا عملت الخوخ
بيضة للدهن
لوز افيلي
سكر كلاصي

كنشعلو الفران
و ناخدو المربع ديالنا

نعملو فيه لا كريم پاتسيير


ثم العقدة داللوز



ثم الخوخ


طويتها بحال هاكا



دهنتها بالبيض و رشيتها باللوز افيلي و دخلتها للفران حتى طابت

ها هي منين وجدات نتمنى من الله انها تعجبكم و في امان الله

ديسير بالفواكه و التمر

على بركة الله غادي نحتاجو ل

تمر + لوز + كركاع
فريز+ خوخ + حب الملوك

نخلطو التمر مع لفواكه
نضيفو عليهم عصير 4 دالليمونات


فطبق التقديم نرشو عليه المكسرات ديالنا و بالصحة و الراحة

مافن خفيف

اذن على بركة الله سنحتاج ل




300غ طحين
2 باكيات خميرة
ملح
200 مل حليب
3 م ك زبدة
فاني
روح الحامض
3 بيضات كبار
150 غ سكر

نسخنو الفران
نغربلو الطحين و الخميرة و الملح نحطوهم على جنب

نعملو الحليب والزبدة تسخن حتى تغلي
نطربو البيض الفاني و السكر و روح الحامض

حتى يتضاعف الحجم
ثم نضيفو الحليب و الزبدة بقطرات و حنا كنطربو
الا ضفناه بسرعة ماغديش تطلع الكيك

نضيفو الطحين و نخلطو مزيان

نعملوه فالقوالب الخاصة بالمافن

ندخلوها للفرن لمدة 15 تال 20 دقيقة او حتى تبان لينا راها طابت

ها هما وجدو بالصحة و الراحة

كروكيت بالدجاج بالبطاطا

السلام عليكم و رحمة الله و بركاته

اذن على بركة الله سنحتاج ل

صدر الدجاج او بيبي مقطع صغير
ابزار ملح
م ك زيت بلدية
م ك عصير لحامض

نخلطو صدر ديال لدجاج مزيان و نخليوه على جنب واحد الساعة

نحطوه على نار متوسطة و نقليوه مزيان
و نخليوه على جنب

نمرو للمرحلة لتانية
غادي نحتاجو ل
شابليور

شوية داللوز محمر و مطحون (اختياري)
3 م ك معدنوس
توابل الشاورما
2 بطاطات مصلوقين و ممعوكين
بيضة
زيت للقلي

اذن كنضيفو جميع المقادير باستثناء الشابليور


و نخلطو مزيان


نعملو كويرات و نحطوهم فزيت سخونة حتى يتحمرو

وتفضلوهم بالصحة و الراحة