كيك بلاموس ماسكاربون و المانچو

السلام عليكم و رحمة الله
ان شاء الله الكيك ديال اليوم هي بلاموس ماسكاربون نتمنى من الله انها تعجبكم

على بركة الله سنحتاج
جنواز
سيرو لسقي الكيك
موس ماسكارابون فهاد الرابط
http://ghizlanesweets.blogspot.com/2012/01/blog-post_28.html
ناباج
شكلاط داب
ورق بلاستيكي الخاص بالشكلاط
 الجوكوند المزوقة فهاد الرابط
 http://ghizlanesweets.blogspot.com/2012/03/blog-post_13.html
على بركة الله بالنسبة لجنوز
120 غ دقيق
120 غ سكر
4 بيضات
فاني

نطربو البيض السكر و الفاني

حتى يتضاعف الحجم 3 دالمرات

نضيف الدقيق على مراحل

نعمل الخليط  فالقالب و نسرحو مزيان
ندخلو لفرن متوسط الحرارة 12 تال 15 دقيقه

نخرجو نخليه على جنب يبرد
منين خرجت الجنواز خليتها تبرد و بديت كنحضر لا موس

عملت طبقة ديال الجنواز و سقيتها و زدت عليها لاموس و المانچو مقطع و دخلتها للثلاجة واحد 5 دقيق

عملت الطبقة التانية ديال الكيك و عملت عليها السيرو و طبقة ديال لا موس و قديتها مزيان و دخلتها للثلاجة تقريبا 2 سوايع

منين تبرد نخرجها من الثلاجة و نضيف عليها الناباج

و نسرحو مزيان

كنقطع الجوكوند بحجم علو الكيك و نلصقو عليها

كناخد قالب مستطيل و ندخلو للثلاجة تقريبا 20 دقيقة
و ناخد البلاستيك ديال الشكلاط و نعمل عليه الشكلات الدائب و نزلو فوق القالب لي عملت فالتلاجة

الشكلاط كيبرد بسرعة
فهاد الاثناء نقطع الاشكال لي بغيت ديال الشكلاط

نعملهم على الكيك و ندخلها مرة اخرى للثلاجة تبقى على الاقل 6 سوايع و تفضلوها بالصحة و الراحة

نتمنى من الله انها تعجبكم و في امان الله

سابلي باللوز و الشكلاط

السلام عليكم و رحمة الله
ان شاء الله يعجبكم هاد السابلي كوعجبني نوع فيه دائما و هاد السكل كنعملو من هادي مدة و كنزوقو اما بعجين الشكلا او عجين اللوز
على بركة الله نمرو للمقادير

اذن على بركة الله سنحتاج ل
250 غ زبدة فحراره المطبخ
50 غ لوز مطحون
80 غ سكر كلاصي (بامكالنكم تستعملو 120 غ لمحبي الحلاوة)
350 غ دقيق مغربل
كرامل او نوتيلا
شكلاط دايب
ورق بلاستيكي خاص بالشكلاط او ورق السلفيريزي

نخلط الزبدة و السكر و اللوز و الفاني

تم نضيفو الدقيق

نجمعو الخليط نعملوه فبلاستيك و نعملوه فالثلاجة 2 سويع على الاقل

نسخنو الفران متوسط الحرارة
نطلقو العجين

و نشكلوه كيف ما بغينا
 ندخلوه لفرن لمدة 15 تال 18 دقيقة

نخليوه يبرد و نلصقو كل 2 بالكرامل او نوتيلا

ناخدو الورق البلاستيكي نعمل عليه الشكلاط ندخلو للتلاجة تقريبا 3 دقايق

بمقطع دائري اخر عملت هاد الاشكال

لصقت كل 2 بالكرامل

عملت نقطة كرامل و لصقت دائرة الشكلاط

بالنسبة لشكل الوردة عملتو بعجين الشوكولا ان شاء الله نزل هاد الطريقة قريب لانها اسهل من الطريقة الاولى لي كنت نزلت

ها هو السابلي ديالي وجد

 نتمنى من الله انو يعجبكم و في امان الله

الجوكوند المزوقة

 

السلام عليكم و رحمة الله
الجوكوند المزوقة غالبا ماكنحتاجوها فزواق العديد من الكيكات و التارت و كتعطي لمسة جمالية رائعة جدا و يمكن لينا نعملو العديد من الاشكال منها

اذن على بركة الله سنحتاج ل
165 غ زبدة فحرارة المطبخ
165 غ سكر
150 غ ابيض البيض 5( بيضات)
150غ دقيق
ملون غدائي

نطربو السكر مع الزبدة

ثم نضيف ابيض البيض
نطرب مزيان حتى تتجانس العناصر كلها

نضيف الدقيق

ناخد قليل من العجين و نضيف عليه مملون غدائي
و نخلطو

نعمل القليل من العجين على ورقة السيليكون او ورق الزبدة

ندهن السيلكون بطبقة العجين و تكون رقيقة جدا

ثم بالمسطرة المسننة نعمل هاد التموجات
ندخل العجين للمجمد لمدة 30 دقيقة حتى تجمد

نخرجها من الثلاجة و نعمل عليها قليل من العجين المتبقي

ندهن الطبقة فوق الطبقة الاولى و نحاولو ما امكن تكون رقيقة جدا

ندخلها لفرن ساخن جدا 450 فهرنهايت 230 مئوية لمدة 6 حتى ل 8 دقايق

هدا هو شكلها منين خرجتها و قلبتها
في امان الله