كاب كيك خفاف باللوز

بالنسبة لهاد الكيك راها كتجي خفيفة بزآآآآآآآآآآآآآآآآف و لذيدة
و يمكن لينا نعملوها كيك 22 سم او نعملوهم كاب كيك بحال لي انا عاملة هنا
نتمنى من الله انها تعجبكم 
على بركة الله سنحتاج ل

صوص الفريز
225 غ فريز
30 غ سكر
1/4 كاس ماء مقسوم على 2
1/2 ملعقة صغيرة مايزينا
1 ملعقة صغيرة عصير حامض


الكاب كيك


120 غ زبدة
2 باكيات فاني ( انا عملت نصف عود فاني)
175 غ لوز مصلوق و ناشف
150 غ سكر مقسومة على 2
50 غ دقيق مغربل
قليل من الملح
6 ابيض البيض
معلقة صغيرة عصير حامضة

اذن نعمل الزبدة دوب على نار متوسطة حتى تعمل لينا الكشكوشة و يتبدل لونها
ماخاصهاش تحرق

نصفيها فمنديل معقم او فاصمة

نضيفو الفانيلا و نحركو

نطرب ابيض البيض تقريبا 2 دقيق تم نضيف الحامض قطرات

نضيف نصف كمية السكر
بشوية بشوية

نستمرو فالتطراب حتى تولي عندنا ميرنغ خفيفة

نطربو اللوز مع نصف كمية السكر المتبقية

ثم نضيفو اللوز على الدقيق

ثم نضيفوه على الميرنغ ديالناو نخلطو بشوية باش مانهرسوش البيض

نضيفو الزبدة نوازيت ديالنا بشكل قطرات و بشوية و حنا كنخلطو

نعملو الخليط ديالنا فالكاپس و نعملو عليهم اللوز افيلي و ندخلوهم لفران 350 فهرنهايت 180 مئوية

ندخلوهم للفرن لمدة 25 تال 35 دقيقة
لونهم كيولي ذهبي فاتح

نخليوهم يبردو و نحضرو الصوص ديلنا
نعملو الفريز و و الحامض السكر و نصف كمية الماء فكاسرونة و نعملوهم يغليو
نخلطو المايزينا مع الماء المتبقي و نخلطوهم مزينا

نضيفها على الخليط

و نخليه يغلي حتى يبدا يتقال

الكاپ كيك و الصوص وجدو نتمنى من الله انهم يعجبوكم
في امان الله

كيك بالبنان و الشكلاط

السلام عليكم و رحمة الله

نتمنى من الله تكونو فاحسن الاحوال يا ربي امين
الكيك ديال اليوم كتجي خفيفة بزآآآآآآآآآف و لذيدة تيقوني ماغاديش تشبعو منها
على بركة الله سنحتاج ل

اذن على بركة الله سنحتاج ل
120 غ زبدة فحرارة المطبخ
100 غ عجين الكاوكاو ( كناخدو كاوكاو نحمروه شوية و نخليوه يبرد و نطحنوه حتى يولي عجين و يطلق الزيت ديالو )
100 غ سكر بني 
100 سكر ابيض
2 ساشي ڤاني
2 بيضات فحرارة المطبخ*
170 غ بنان ممعوك
130 غ دقيق*
7 غ خميرة دالحلوى
قليل من الملح
180 غ شكلاط طريفات صغار



للتزيين
سكر كلاصي
شكلاط دايب

على بركة الله

نغربلو الدقيق و الملح و الخميرة و نخليوهم على جنب 
نسخنو الفران على 350 فهرنهايت 180 درجة مئوية
نوجدو مقلة 22 سم

كناخدو البنان و نمعكوه مزيان

نطربو الزبدة و عجين الكاوكاو على سرعة متوسطة حتى يتمازجو

نضيفو السكر الابيض و البني

و نطربو مزيان*

و نضيفو الفاني

نضيفو البيض وحدة بوحدة و نطربو بعد كل اضافة

نضيفو البنان و نبداو نطربو و نطفيو الروبوت تقريبا 4 تال 5 ديال المرات باش البنان يتمازج مزيان مع المكونات و مايتقلش على الكيك و ينزل لتحت

نضيف الدقيق و الخميرة و الملح

نضيف طريفات الشكلاط

رشيت المقلة ديالي بالزبدة و الدقيق

عملت الخليط ديالي

و الخليط كيكون تقيل نسرحوه فالمقلة

نحزمو المقلة ديالنا بالحزام السحري لي سبق و نزلت ليكم كيفاش تعملوه فهاد الرابط
http://ghizlanesweets.blogspot.com/2012/03/blog-post_28.html

دخلتها لفران لمدة مابين 45 تال 55 دقيقة
خاصها تكون لونها دهبي و الجناب مالاصقينش

منين نخرجوها من الفران نخليوها تقريبا 30 دقيقة عاد نقلبوها تبرد

نزوقوها بالسكرا كلاصي و خطيطات الشكلاط

نتمنى من الله و تعالى انها تعجبكم و في امان الله

بسكوي التيراميسو الطريقة رقم 2

السلام عليكم و رحمة الله

اليوم ان شاء الله غادي نقدم ليك هاد الوصفة لي هي عبارة عن بسكوي لي كنعملو فالتيراميسو و هادي الوصفة التانية لي كنزل حيت سبق لي نزلتها
هاد الوصفة احسن من الاولى بمراحل لانها كتجي مشققوة و يمكن لينا نتحكمو فدرجة التقرميشة ديلها عني الا بغينا تكون مقرمشه اكتر ماعلينا غير نخليوها مدة اطل فالفرن و فهاد الحالة نقصو من درجة الحرارة

اذن على بركة الله سنحتاج ل
130 غ دقيق
6 بيضات نفصلو اصفر البيض عن الابيض
2 فاني
115 غ سكر
سكر كلاصي للتزيين

نسخنو الفرن على 200 مئوية 400 فهرنهايت

نطربو اصفر البيض و الفاني حتى يتغير اللون ديالو
تقريبا 6 دقايق

نطربو ابيض البيض و نضيفو السكر بشوية بشوية

تم نستمرو فالتطراب حتى يصبح عندنا ميرانغ خفيفة

نضيفو اصفر البيض و نبداو نخلطو بملعقة خشبية

نخلطوه خفيفي و نحاولو ما أمكن مانهرسوش ابيض البيض

نضيفو الدقيق بشوية بشوية

 

نعملو الخليط فجيب الحلواني و نعملوه على هاد الشكل و نرشو عليه السكر ڭلاصي
ندخلوه للفرن 400 فهرنهايت 200 مئوية
ندخلوها للفرن 10 حتى ل 13 دقيقة

البسكوي ديالنا وجد نتمنى من الله انو يعجبكم و في امان الله