كيك بالشوكولا و القهوة بدون دقيق

 السلام عليكم و رحمة الله

نتمنى من الله تكونو جميع فاحسن الاحوال يا ربي امين

هاد الكيك هي بدون دقيق عملتها لبارح و قلت نشاركها معاكم و هي منسمة بالقهوة و اكيد محبي الشوكولا ستعجبهم كثيرا لانها غنية جدا بنكة الشوكولا و القهوة امممم 

 على بركة الله سنحتاج ل

8 بيضات

450 غ شوكولا

220 غ زبدة

60 مل قهوة 

 نسخنو الفرن على 325 فهرنهايت 160 مئوية

ندوبو الزبدة و القهوة و نخليوهم على جنب لازم يكونو فحرارة المطبخ

 ندوبو الشوكولا

 نبداو نطربو البيض

للاشارة فهاد النوع من الحلويات لام البيض نعملوه 10 دقائق من قبل فماء دافئ باش نحصلو على اكبر قدر من البيض عند التطراب

 ضفت الزبدة و القهوة على الشكولا المدوبة

 نستمر فالتحراك حتى الحصول على كريما لامعة

 هنا وقفت تطراب البيض

 ضفت ثلت كمية البيض الى خليط الشوكولا و بديت كنخلط بالسپاتولا من تحت لفوق 

هنا ضفت التلت التاني 

 و هنا التالت و دائما كنخلط بعد كل اضافة

رشيت المقلة لي عملت فيها الكيك 24 سم بالزبدة 

 عملت فيها الخليط و عملتها فقلب مقلة اخرى و عمرتها بالماء الساخن و دخلتها للفرن ما بين 25 حتى ل 30 دقيقة
خرجتها من الفرن خليتها تبرد ثم دخلتها للتلاجة من الافضل تبات ليلة كاملة او على الاقل تبرد 6 ساعات

هنا عملت قليل من الشوكولا فورق پلاستيكي خاص بالشكلاط و عملت منو هاد الاشكال بالنسبة لهاد الاشكال كنسرحو الشوكولا و نخليوه يبرد تقريبا 2 حتى ل 3 دقائق ثم نرشموه بامقاطع لي بغينا و ندخلوه للتلاجة يبرد مرة اخرى و ها هو واجد

رشيت الكيك بالسكر ڭلاصي مع شوكولا غبرة بدون سكر

زوقتها بالشوكولا لي عملت من قبل

نتمنى من الله انها تعجبكم كتجي لديد بزآآآآآاف خاصة مع كاس من القهوة بدون سكر

اي استفسار انا رهن الاشارة 

في امان الله

حليوة بالكرامل امممممممم روعة

على بركة الله سنحتاج ل

130 غ دقيق

30 غ شكلاط غبرة بدون سكر

قليل من الملح

113 غ سكر

60 غ سكر

اصفر بيضة

30 مل حليب فحرارة المطبخ

ڤانيلا

200 غ لوز او اي مكسرات تفضلوها مقطعة صغيرة جدا

ابيض بيضة

بالنسبة للكرامل

150مل كريم سائل

2 معالق كليكوز او كورن سيراپ

30 غ زبدة

100 غ سكر بني او عادي

 على بركة الله نبداو بالكرامل انا كنفضل السكر البني لانه ياخد لون الكرامل بسرعة و كدلك كيتعلك  بسرعة اضافة الى طعمو رآآآآآئع و فرق كبير ما بين الكرامل بالسكر البني و السكر الابيض بالنسبة للسكر الابيض حتى هو كيولي كرامل طبعا ولكن كياخد وقت اكتر

اذن كنعملو كل المقادير الخاصة بالكرامل باستثناء الزبدة و نتركه يغلي تقريبا 8 حتى 10 دقئق على نار متوسطة و دائما نحرك حتى لا يحترق

هنا لتحضير الكرامل المطلوب دائما اضع قليل من الكرامل فزلافة او على ركامة و ارى اذا كان يجمد بسرعة ام لا

و طبعا كما قلت على حسب الكرامل المطلوب و كل ماتركناه على النار كلما سيجمد اكتر

انا هنا تركته سائل قليل لاني احب هكذا 

نترك الكرامل جانبا ليبرد و نمر لتحضير الحلوة

على بركة الله نطربو لازبدة و السكر و الڤانيلا تقريبا 3 دقائق

حتى نحصل على كريما 

نضيف الدقيق و الشوكولا المغربل و اصفر البيض

ثم الحليب

نحصل على عجين رخو

نعملو منو كرات و نعملهم فابيض البيض ثم نمررهم فاللوز المهروش و نصفهم فصفيحة الطهي

نعملو منو كرات و نعملهم فابيض البيض ثم نمررهم فاللوز المهروش و نصفهم فصفيحة الطهي

نعملو تقب فالوسط و ندخلهم لفرن متوسط الحرارة ما بين 10 حتى ل 15 دقيقة w

خرجتهم من الفرن تركتهم ليبردو قليلا ثم عملت عليهم الكرامل

ها هما منين وجدونتمنى من الله انهم يعجبوكم و لا تنسونا من صالح دعائكم بظهر الغيب

في امان الله

دجاجة محمرة سهلة التحضير

 السلام عليكم و رحمة الله

نتمنى من الله تكونو فاحسن الاحوال يا ربي امين

وصفة اليوم ان شاء الله هي دجاجة سريعة التحضير

كتجي لديدة بزآآآآآف نتمنى من الله انها تعجبكم

على بركة الله سنحتاج ل

 دجاجة

1 معلقة كبيرة موتارد

1 معلقة كبيرة زعتر يابس

نص كاس عصير حامض

2 معالق كبار زيت زيتون

قليل من الفلفل اسود

قليل من النويورة او بهار حلو او ALL SPICE

ملح

3 درس توم محكوك

 نخلطو جميع المقادير و نحكو به الدجاجة و نخليوها على الاقل 2 ساعات او تبات ليلة فالتلاجة انا هاد الشي لي عملت

 غطيتها بورق الاليمينيوم و دخلتها للفرن و كنت كنسقيها كل مرة بالمرق ديالها

و خليتها حتى تحمرات

نتمنى من الله انها تعجبكم و لا تنسونا من صالح دعائكم و في امان الله

كوكيز بالكريم و القهوة

 السلام عليكم و رحمة الله

نتمنى من الله تكونو جميع فاحسن الاحوال

وصفة اليوم هي كوكيز بالقهوة نتمنى من الله انها تعجبكم

على بركة الله سنحتاج ل

 على بركة الله سنحتاج ل

نصف كاس 115 غ زبدة 

نصف كاس 80 غ سكر بني

1/4 كاس 60 مل كريم سائل

اصفر بيضة

2 كاس 260 غ دقيق

2 معالق كبيرة قهوة سريعة الذوبان

قليل من الملح

ڤانيلا

كاس شوكولا حبيبات انا عملت مزيج من شوكولا بيضاء و سوداء

3 غ خميرة حلوى/ بيكينع پودر

على بركة الله نشعلو الفرن على 350 فهرنهايت 180 درجة

نغربلو الدقيق و الملح و الخميرة و نخليوهم على جنب

نطربو الزبدة و آلسكر بنوعيه و الڤاني 

 نطربو تقريبا 3 دقائق حتى يتغير لون اخليط الى بني فاتح

 نضيفو الكريم و اصفر البيض و نطربو مرة اخرى

 نضيفو الدقيق على مراحل و نطربو

 ثم فاخر مرحلة من الدقيق نضيفو القهوة

 ثم نضيفو الشوكولا

 نعملو العجين كويرات متباعدين و ندخلوهم للفرن ما بين 12 حتى ل 15 دقيقة

 هنا خرجتهم من الفرن كيكونو منفوخين 

ثم كينزلو قليلا كما فالصورة

ها هما منين وجدو كيجيو لداد جدا نتمنى من الله انهم يعجبوكم

لا تنسونا من صالح دعائكم بظهر الغيب 

في امان الله